تاجىكستاندا قازاقستاندىق كولىكتەرگە تىيىم سالىنعانى حابارلاندى، دەپ جازادى "ادىرنا" ۇلتتىق پورتالى قازاقستاندىق ستاندارتتاۋ جانە مەترولوگيا ينستيتۋتىنا سىلتەمە جاساي وتىرىپ.
تاجىكستان دۇنيەجۇزىلىك ساۋدا ۇيىمىنا مۇشە ەلدەردى 2013 جىلعا دەيىن شىعارىلعان كولىك قۇرالدارىن اكەلۋگە تىيىم سالۋ تۋرالى حاباردار ەتكەن. تىيىم سالىناتىن ەلدەردىڭ قاتارىندا قازاقستان دا بار.
"تاجىكستان اۋانىڭ لاستانۋىنىڭ جانە ادام دەنساۋلىعى مەن قورشاعان ورتاعا زيان كەلتىرۋدىڭ نەگىزگى كوزى سانالاتىن ەسكى اۆتوموبيلدەردى اكەلۋدىڭ الدىن الۋعا، سونداي-اق ولاردان شىعاتىن قالدىقتار (اككۋمۋلياتورلار، شينالار، كونديتسيونەرلەر) سانىنىڭ ەداۋىر ۇلعايۋىنا بايلانىستى ارنايى جارلىق دايىندادى", - دەپ حابارلادى قازستاندارتتا.جارلىق 2024 جىلدىڭ 1 قاڭتارىندا كۇشىنە ەنەدى. ەستەرىڭىزگە سالا كەتەيىك، 2005 جىلدان باستاپ كازستاندارت بازاسىندا ساۋداداعى تەحنيكالىق كەدەرگىلەر جانە سانيتارلىق جانە فيتوسانيتارلىق شارالار جونىندەگى اقپاراتتىق ورتالىق جۇمىس ىستەيدى. ورتالىقتىڭ فۋنكتسيالارىنا دسۇ حاتشىلىعىنا، دسۇ-عا مۇشە مەملەكەتتەرگە جانە بارلىق مۇددەلى تاراپتارعا اقپارات بەرۋ كىرەدى.
"ادىرنا" ۇلتتىق پورتالى
ۇقساس جاڭالىقتار
