بۇعان دەيىن اۋىل شارۋاشىلىعى مينيسترلىگىن باسقارىپ كەلگەن ەربول قاراشوكەەۆ جامبىل وبلىسىنىڭ اكىمى لاۋازىمىنا تاعايىندالدى، دەپ حابارلايدى "ادىرنا" ۇلتتىق پورتالى.
اتاۋلى جارلىققا مەملەكەت باسشىسى 2023 جىلدىڭ 5 قىركۇيەگىندە قول قويدى. قۇجاتتا:"ەربول شىراقپايۇلى قاراشوكەەۆ جامبىل وبلىسىنىڭ اكىمى لاۋازىمىنا تاعايىندالسىن", – دەلىنگەن. مۇنى اقوردانىڭ رەسمي سايتى جاريالادى.ەربول قاراشوكەەۆ 1976 جىلى الماتى وبلىسىندا دۇنيەگە كەلگەن. ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن، قازىرگى زامان گۋمانيتارلىق ينستيتۋتىن بىتىرگەن. ەڭبەك جولىن 1998 جىلى قر ستاتيستيكا اگەنتتىگىنىڭ تالداۋ جانە كونيۋنكتۋرالىق زەرتتەۋلەر باسقارماسىنىڭ باس مامانى بولىپ باستاعان. 2021 جىلعى 1 قىركۇيەكتەن باستاپ قازاقستان رەسپۋبليكاسىنىڭ اۋىل شارۋاشىلىعى ءمينيسترى قىزمەتىن اتقارىپ كەلدى. 2023 جىلعى 4 قىركۇيەك كۇنى مەملەكەت باسشىسىنىڭ جارلىعىمەن قازاقستان رەسپۋبليكاسىنىڭ اۋىل شارۋاشىلىعى ءمينيسترى بولىپ ايداربەك ساپاروۆ تاعايىندالدى.
"ادىرنا" ۇلتتىق پورتالى
ۇقساس جاڭالىقتار
