ءداتۇردى دارىپتەۋ تۋاەلسىزدىگىمىزدىڭ تۇعىرىن بەتكىتۋگە نەگىز بولادى. بۇل باعىتتا ەلىمىزدىڭ وركەنيەتتىك ورداسى سانالاتىن الماتى قالاسىنداعى «الاتاۋ» ءداستۇرلى ونەر تەاترىندا «جاستار ءداستۇردى دارىپتەيدى» شاراسى ءوتتى. «جاستار جىلى» اياسىندا ۇيىمداستىرىلعان فەستيۆالگە مەگاپوليستەگى جوعارى وقۋ ورىندارىنىڭ بەس كومانداسى قاتىستى. ءداستۇرلى ونەر تۇرلەرىن زاماناۋي باعىتتا جاڭعىرتۋ وسكەلەڭ ۇرپاقتىڭ ءتول مادەنيەتىمىزدىڭ اسىل جاۋھارلارىمەن سۋسىنداۋىنا نەگىز بولادى. سوندىقتان، «الاتاۋ» ءداستۇرلى ونەنر تەاترنىڭ بۇل باستاماسى جاستاردىڭ شىڭدالۋىنا جول اشارى ءسوزسىز.
فەستيۆالدىڭ ماقساتى: ەلىمىزدە جاريالانعان «جاستار جىلىن» قولداۋ، جاستار اراسىندا ۇلتتىق قۇندىلىقتارىمىزدى دارىپتەۋ، ءداستۇرلى ونەر تۇرلەرىن زاماناۋي باعىتتا جاڭعىرتۋ. سونداي-اق حالىق اۋىز ادەبيەتى ەپوستىق جىرلار مەن مادەني قۇندىلىقتارىمىزدى قايتا تۇلەتۋ. بابالارىمىزدان ميراس بولعان سالت-ءداستۇردى وسكەلەڭ ۇرپاققا ناسيحاتتاۋ جانە دارىندى جاستار مەن ونەر ۇجىمدارىن انىقتاپ، قولداۋ كورسەتۋ. بۇل فەستيۆالدە ونەر ۇجىمدارى حالقىمىزدىڭ «قىز جىبەك» ، «قوزى كورپەش - بايانسۇلۋ»، «ايمان - شولپان»، «ەڭلىك – كەبەك» سياقتى حالىق اۋىز ادەبيەتى ەپوسى جىرلارىنداعى وقيعالاردان ءۇزىندى كەلتىرىپ ساحنالىق قويىلىم قويدى. وعان «سەرپەر» جاستار سىيلىعىنىڭ يەگەرى اسىلحان تولەپوۆ.، ع.مۇسىرەپوۆ اتىنداعى بالالار مەن جاس وسپىرىمدەر تەاترىنىڭ ءارتىسى باقىت تۋشاەۆ، «الاش ۇلى» توبىنىڭ ءانشىسى ماقسات راقىمەت، ت. جۇرگەنوۆ اتىنداعى قازاق ۇلتتىق ونەر اكادەمياسىنىڭ ونەرتانۋ ماگيسترى، تەاترتانۋشى ميراس ءابىل، قازاقستان جازۋشىلار وداعىنىڭ اعا ادەبي كەڭەسشىسى، اقىن بەكزات سماديار جانە «الاتاۋ» ءداستۇرلى ونەر تەاترىنىڭ قىزمەتكەرى جانەركە دۇيسەنبيەۆا قازىلىق ەتتى. العاش بولىپ ساحنا تورىنە شاكارىم قۇدايبەردىۇلىنىڭ «قالقامان – مامىر» داستانى جەلىسىمەن قازاق باس ساۋلەت – قۇرىلىس اكادەمياسى ءوز قويىلىمىن قويپ، ونەر كورسەتتى. قازاق مەديتسينالىق ۇزدىكسىز ءبىلىم بەرۋ ۋنيۆەرسيتەتى «ەڭلىك - كەبەك» پوەماسىنان ءۇزىندىنى ساحنالادى. «قوزى كورپەش – بايان سۇلۋ» - حIII- حIV عاسىرلاردان باستاپ جىرلانىپ، حIح عاسىردىڭ ورتاسىندا قاعازعا تۇسكەن قازاق حازاق حالقىنىڭ ليرو – ەپوستىق جىرى. پوەما سىبانباي، بەكباۋ، جاناق، شوجە اقىنداردىڭ ورىنداۋىندا اۋىزشا تارالعان. جيىرماعا جۋىق نۇسقاسىنىڭ ىشىنەن ەڭ بەلگىلىسى جاناقتىڭ نۇسقاسى سانالادى. قانىش ساتپاەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتى «قوزى كورپەش – بايان سۇلۋ» قويىلىمىن كوركەم جەتكىزدى.
«اقان سەرى اقتوقتى» - عابيت مۇسىرەپوۆتىڭ 1941 جىلى جازعان تاريحي شىعارماسى. قازاق حالقىنىڭ ايگىلى ءانشىس، كوموزيتور اقان قورامساۇلى مەن اقتوقتى اراسىنداعى ماحابباتتى بەينەلەيتىن كەزەڭىن قازاق ۇلتتىق قىزدار پەداگوگيكالىق ۋنيۆەرسيتەتى «اقان سەرى – اقتوقتى» قويىلىمىندا ساحنالادى. سونىمەن ءادىل قازىلار القاسىنىڭ شەشىمىمەن «جاستار ءداستۇردى دارىپتەيدى» فەستيۆالىنىڭ باس جۇلدەسىن نارحوز ۋنيۆەرسيتەتى «انا – جەر انا» قويىلىمىمەن جەڭىپ الدى. قازاق ۇلتتىق قىزدار پەداگوگيكالىق ۋنيۆەرسيتەتىنىڭ «اقان سەرى - اقتوقتى» قويىلىمىندا سالت – ءداستۇرىمىزدى ەرەكشە كورسەتە بىلگەنى ءۇشىن «ەڭ ۇزدىك ەپيزود» نوميناتسياسىن يەلەندى. قازاق باس ساۋلەت – قۇرىلىس اكادەمياسىنىڭ «قالقامان - مامىر» قويىلىمى «كورەرمەن كوزايىمى» نوميناتسياسىن مىسە تۇتتى. «ەڭ ۇزدىك ەر ادام ءرولى» نوميناتسيالارىن ق. ساتپاەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتىنىڭ ستۋدەنتى، «قوزى كورپەش – بايان سۇلداعى» «قاراباي» ءرولىن سومداعان يسليام تورەمۇراتوۆ پەن قازاق مەديتسينالىق ۇزدىكسىز ءبىلىم بەرۋ ۋنيۆەرسيتەتىنىڭ ستۋدەنتى، «ەڭلىك - كەبەك» قويىلىمىندا «جاپال» ءرولىن سومداعان نۇرجان مۇسۇرمانقۇلوۆ الدى. «ەڭ ۇزدىك ايەل ادام» نوميناتسياسىن نارحوز ۋنيۆەرسيتەتىنىڭ ستۋدەنتى «انا – جەر انا» قويىلىمىندا «ءاليمان» رولىندنگى – اقنيەت ورالحان يەلەندى. جالپى، شاراعا قاتىسقان جاستاردىڭ بويىنان ۇشقىنداعان جالىن، كوزىنەن وت كورۋگە بولادى. ولار جوعارىدا اتاپ وتكەن قويىلىمدارى ارقىلى تالعامپاز كورەرمەندى ءبىر ءسات تاريح قويناۋىنداعى وقيعالارعا سۇڭگىتكەندەي اسەر قالدىردى. سوندىقتان، قازاقستاننىڭ ەڭبەك سىڭىرگەن قايراتكەرى بەرىك ءجۇسىپ باسقاراتىن «الاتاۋ» ءداستۇرلى ونەر تەاترى بۇل باستامانى ومىرشەڭ جوبا رەتىندە تالاپتى جاستارعا جول اشاتىن الاڭعا اينالدىرادى دەگەن سەنىمدەمىز.
گۇلۆيرا اسقارقىزى
قازاق مەملەكەتتىك قىزدار پەداگوگيكالىق
ۋنيۆەرسيتەتىنىڭ ستۋدەنتى
