كولىك-لوگيستيكا سەكتورى ەلدىڭ شيكىزات ەكسپورتىنان تۇسەتىن تابىسقا تاۋەلدىلىگىن ازايتۋعا كومەكتەسەتىن ەكونوميكا سالالارىنىڭ ءبىرى بولىپ تابىلادى دەپ ويلايمىن. الايدا، يندۋستريا جانە ينفراقۇرىلىمدىق دامۋ مينيسترلىگى (مير) دەڭگەيىندە كولىك سالاسىن دامىتۋعا قاتىستى وزەكتى ماسەلەلەر مەن سۇراقتارعا ءتيىستى كوڭىل بولىنبەدى.
سەبەبى بۇگىنگى تاڭدا جالعىز مير ەلدىڭ ءجىو-ءنىڭ 30%-دان استامىن (كولىك، قۇرىلىس، وڭدەۋ ونەركاسىبى) دامىتۋعا جاۋاپتى. سالىستىرۋ ءۇشىن ەڭ ءىرى ساۋدا جانە ينتەگراتسيا مينيسترلىگى مەن ەنەرگەتيكا مينيسترلىگى ەلدىڭ جالپى ىشكى ءونىمىنىڭ سايكەسىنشە 21% جانە 13% دامىتۋعا جاۋاپتى. سوندىقتان، جاۋاپكەرشىلىكتىڭ كەڭ اۋقىمى مينيسترلىككە تەك ءبىر سالاعا نازار اۋدارۋعا مۇمكىندىك بەرمەي، كوپ جاعدايدا كولىككە قاتىستى ماسەلەلەر شەشىلمەي قالىپ نەمەسە ۇزاق ۋاقىتقا كەيىنگە قالدىرىلىپ جاتىر.
قازىرگى گەوساياسي جاعدايدى ەسكەرە وتىرىپ، قازاقستان ەۋرازياداعى ماڭىزدى كولىكتىك-لوگيستيكالىق حابقا اينالۋ ءۇشىن جاڭا سىن-قاتەرلەرگە جاۋاپ بەرىپ قانا قويماي، سونىمەن بىرگە وسى پروتسەستەن بارىنشا پايدا الۋ ءۇشىن ءوزىنىڭ كولىك جانە تەمىرجول ينفراقۇرىلىمىن دەرەۋ جانە بەيىمدى تۇردە رەفورمالاۋى قاجەت.
سوندىقتان كولىك مينيسترلىگىن قالپىنا كەلتىرۋ وتە ءتيىمدى جانە وزەكتى قادام ەكەنىنە سەنىمدىمىن.
"ادىرنا" ۇلتتىق پورتالى
