ءامىرجان قوسانوۆ. سايلاۋالدى ەسكەرتۋ!

2486
Adyrna.kz Telegram

اۋىلدا وستىك. ەكى بالا توبەلەسىپ قالسا، ۇلكەندەر: "كىم باستادى؟", - دەپ سۇرايتىن. سونى كىنالى دەپ تاباتىن.

سايلاۋ كورىگى قىزعالى تۇر. وڭ جاق، سول جاقتان شابۋىلدار باستالىپ جاتقان سياقتى. بيلىك سىناسا ءبىر ءجون، كەشەگى وزىڭمەن ءبىر ۇيىمدا جۇرگەن اعايىن اۋەلدەن-اق بارماعىن بۇگىپ، ءتىسىن قايراپ ءجۇر ەكەن عوي.

ەستۋىمشە، ماعان قارسى دا قاراپيار اكتسيالارى دايىندالىپ جاتقان سياقتى. 1997 جىلدان بەرى كورمەگەنىم جوق، ونداي وڭباعاندىقتارعا دا ەت ۇيرەنگەن! سولارعا ايتارىم: وسى جىلدار بويىنا ادىلەتتىك پەن شىندىق، دەموكراتيا مەن ۇلتشىلدىق يدەيالارىنا ادالدىعىمدى سوزبەن دە، ىسپەن دە دالەلدەپ كەلەمىن! ول جاعىنان مەنەن كىنا تابا المايسىڭدار!

سوندىقتان دا توبەلەستى ءبىرىنشى بوپ باستاعان كەز كەلگەن (قۇي، بيلىك جاعىنان بولسىن، قۇي، ءوزىن وپپوزيتسيا سانايتىندار بولسىن!) ادامعا لايىقتى جاۋاپ بەرەمىن. ايامايمىن! مەنىڭ دە بىلەتىنىم بارشىلىق!

ايتپەسە، كەيبىر ادام مەنىڭ تابيعي مادەنيەتتىلىگىم مەن سىپايىلىعىمدى، وپپوزيتسيا قاتارىنىڭ بىرلىگىن ءبىرىنشى كەزەككە قويىپ، كوپ نارسە تۋرالى ايتپاي جۇرگەنىمدى مەنىڭ جۋاستىعىم مەن السىزدىگىم دەپ قابىلدايتىن سياقتى...

پىكىرلەر