ايەلدى ۇرىپ-سوعىپ، قىلمىس ورنىنان قاشىپ كەتكەن قارقارالى تۇرعىنى قاراعاندىدان ۇستالدى. جەدەل-ىزدەستىرۋ شارالارى بارىسىندا پوليتسەيلەر "ارلان" ارنايى جاساعىنىڭ جاۋىنگەرلەرىمەن بىرلەسىپ، ىسكە كوشتى، دەپ حابارلايدى “ادىرنا” ءتىلشىسى.
30 جاستاعى كۇدىكتى پوليتسيا بولىمىنە جەتكىزىلدى.
25 تامىزدا تۇندە قارقارالى اۋدانىنىڭ كريمينالدىق پوليتسيا باسقارماسى مەن پب قىزمەتكەرلەرى جەدەل-ىزدەستىرۋ ءىس-شارالارىن جۇرگىزۋ كەزىندە قاراعاندى قالاسىندا "ارلان" ارنايى ماقساتتاعى بولىمشەسىنىڭ ساربازدارىمەن بىرلەسىپ قارقارالى اۋدانىنىڭ تۇرعىنىنا شابۋىل جاسادى دەگەن 30 جاستاعى كۇدىكتى انىقتاپ، ۇستادى، - دەدى قاراعاندى وبلىسى پد كريمينالدىق پوليتسيا باسقارماسىنىڭ باستىعى اسلان وسكەمباەۆ.تەرگەۋ ارەكەتتەرى ءالى جۇرگىزىلىپ جاتىر. ەسكە سالساق، قاراعاندى وبلىسىندا كامەلەتكە تولماعان بالا اناسىنا شابۋىل جاساعان ەر ادامدى ۆيدەوعا ءتۇسىرىپ العان. 51 جاستاعى قارقارالى تۇرعىنىنا جاسالعان شابۋىلدىڭ ۆيدەوسى تاراپ كەتتى.
ۇقساس جاڭالىقتار
