بۇگىن وبلىس ورتالىعىندا «سپورت كۇنى» قارساڭىندا مەرەكەلىك ءىس-شارا ۇيىمداستىرىلدى.
سالتاناتتى شارا بارىسىندا ايماعىمىزدىڭ اتىن رەسپۋبليكا كولەمىندە، الەم دەڭگەيىندە ناسيحاتتاپ جۇرگەن بىرقاتار ماقتانىشىمىز بەن ارداگەر سپورتشىلارىمىز وبلىس اكىمىنىڭ ارنايى سىيلىعى، قر مادەنيەت جانە سپورت مينيسترلىگىنىڭ توسبەلگىسىمەن، ۇلىتاۋ وبلىسىنىڭ قۇرمەت گراموتاسىمەن، وبلىس اكىمىنىڭ العىسحاتىمەن جانە وبلىستىق دەنە شىنىقتىرۋ جانە سپورت باسقارماسىنىڭ العىسحاتىمەن ماراپاتتالدى.
بۇگىندە ۇلىتاۋ وبلىسىندا 327 سپورتتىق نىسان جۇمىس ىستەيدى. ولاردىڭ ىشىندە، 6-ستاديون، 2-سپورت سارايى، 10-سپورت كەشەنى، 1-سپورتتىق مانەج، 1-ەسۋ بازاسى،
73-حوككەي كورتى، 3-تەننيس كورتى، 3-ءجۇزۋ باسسەينى، 112-سپورت زال جانە ت.ب.
سونىمەن قاتار جاس ۇرپاقتى سپورتقا باۋلۋ ماقساتىندا 7 بالالار-جاسوسپىرىمدەر سپورت مەكتەبى قىزمەت ەتەدى. مۇندا 5 713 ءجاسوسپىرىم 32 سپورت تۇرىمەن شۇعىلدانادى. 2023 جىلدىڭ 6 ايىندا رەسپۋبليكالىق جارىستاردا وبلىس سپورتشىلارى 17 التىن، 28 كۇمىس جانە 25 قولا ۇتىپ الدى. ال، حالىقارالىق ازيا چەمپيوناتتارىندا 7 التىن، 5 كۇمىس جانە 3 قولاعا قول جەتكىزدى.
سپورتشىلارعا ارنالعان سالتاناتتى جيىن سوڭى كونتسەرتتىك ءىس-شارامەن جالعاسىن تاپتى.
