سيان-الماتى: حالىقارالىق دوستىق ۆەلوشەرۋى باستالدى

2023 جىلدىڭ 7 قىركۇيەگىندە حالىقارالىق كوپكۇندىك ۆەلوتۋردى الماتىدا اياقتالادى.

«سيان-الماتى» دوستىق ۆەلوشەرۋىنە قاتىسۋشىلار سەيسەنبى كۇنى سيان قالاسىنان (شەنسي پروۆينتسياسى) شىقتى. قحر اۋماعىنداعى ەجەلگى جىبەك جولى ارقىلى وتەتىن شەرۋگە قىتايدان 30 ۆەلوشاباندوز قاتىسۋدا. قازاقستان اۋماعىنا وتكەندە ولارعا قازاقستاندىق سپورتشىلار دا قوسىلادى، دەپ جازادى قازاقپارات. اكتسيا ۇيىمداستىرۋشىلارى مەن ۆەلوسيپەدشىلەر سيان قالاسىنداعى «جىبەك جولىنىڭ باستاۋى» دەپ اتالاتىن تاريحي جەردە وتكەن ۆەلوشەرۋدىڭ سالتاناتتى اشىلۋ راسىمىنە جينالدى. «جاڭا جىبەك جولى» قوعامدىق قورىنىڭ باسشىسى حۋسەين داۋروۆ قۇتتىقتاۋ سوزىندە «سيان-الماتى» ۆەلوشەرۋى قازاقستان مەن قىتاي حالىقتارى اراسىنداعى دوستىقتى نىعايتۋعا جانە ەكى ەل اراسىنداعى ديپلوماتيالىق قارىم-قاتىناستىڭ قۇرىلعانىنا 30 جىل تولۋىنا وراي ۇيىمداستىرىلعانىن ايتتى. «سيان-الماتى» دوستىق ۆەلوشەرۋىنە قاتىسۋشىلار 4 مىڭ شاقىرىم قاشىقتىقتى ءجۇرىپ وتەدى. قىتاي اۋماعىندا بۇل باعىت شەنسي (سيان، سانيان، باوتسزي), گانسۋ (لانچجوۋ، دۋنحۋان) جانە شىڭجاڭ (حامي، تۋرفان، ءۇرىمشى، قورعاس) پروۆينتسيالارى ارقىلى وتەدى. قازاقستان اۋماعىندا ۆەلوشەرۋگە قازاقستاندىق سپورتشىلار قوسىلىپ، قاتىسۋشىلار 2023 جىلدىڭ 7 قىركۇيەگىندە حالىقارالىق كوپكۇندىك ۆەلوتۋردى الماتىدا اياقتالادى.