ەرتەڭ نازارباەۆ Nur Otan-نان پرەزيدەنت سايلاۋىنا كىم تۇسەتىنىن ايتادى

سەيسەنبى، 23 ساۋىردە قازاقستاننىڭ تۇڭعىش پرەزيدەنتى، Nur Otan پارتياسىنىڭ توراعاسى نۇرسۇلتان نازارباەۆتىڭ قاتىسۋىمەن وتەتىن XIX سەزدە پارتيا الداعى پرەزيدەنت سايلاۋىنا ءوز كانديداتىن ۇسىنادى.

Nur Otan پارتياسىنىڭ ساياسي كەڭەسىنىڭ وتىرىسىندا توراعانىڭ ءبىرىنشى ورىنباسارى ماۋلەن اشىمباەۆ پارتيانىڭ سايلاۋعا بەلسەندى قاتىساتىنىن اتاپ ءوتتى.

"الدىمىزدا ۇلكەن ساياسي ناۋقان – پرەزيدەنت سايلاۋى تۇر. ەلباسىنىڭ تاپسىرماسىنا سايكەس، بۇل سايلاۋعا ءبىزدىڭ پارتيامىز دا بەلسەندى تۇردە قاتىسادى. سوعان بايلانىستى ەرتەڭ ەلباسى، پارتيا توراعاسىنىڭ قاتىسۋىمەن پارتيانىڭ كەزەكتەن تىس XIX سەزىن وتكىزىپ، الداعى سايلاۋعا قاتىساتىن كانديداتىمىزدى ۇسىنامىز", – دەدى اشىمباەۆ.

ماۋلەن اشىمباەۆ پرەزيدەنت سايلاۋىنا قاتىساتىن نۇروتاندىق كانديداتتىڭ ەسىمىن ەرتەڭگى سەزدە ەلباسى ايتاتىنىن جەتكىزدى.

"قازاقستاننىڭ تۇڭعىش پرەزيدەنتىنىڭ ۇسىنىسىمەن ءبىزدىڭ پارتيامىزدان ەل پرەزيدەنتتىگىنە كانديدات ۇسىنۋ بيلىك ساباقتاستىعىنىڭ ماڭىزدى فاكتورى بولىپ سانالادى جانە Nur Otan پارتياسىنىڭ ەلباسى ساياساتىن تولىعىمەن ءارى قاراي جالعاستىراتىنىن كورسەتەدى", – دەدىول.

پارتيا جارعىسىنا سايكەس، قازاقستان رەسپۋبليكاسىنىڭ پرەزيدەنتتىگىنە پارتيا اتىنان كانديدات ۇسىنۋ تەك پارتيانىڭ جوعارى باسشىلىق ورگانى – سەزد شەشىمىمەن جۇزەگە اسىرىلادى.

پارتيا ساياسي كەڭەسىنىڭ مۇشەلەرى قازاقستان رەسپۋبليكاسىنىڭ پرەزيدەنتتىگىنە كانديدات ۇسىنۋ تۋرالى ماسەلەنى پارتيانىڭ XIX سەزىنىڭ قاراۋىنا ەنگىزۋ تۋرالى ۇسىنىستى قولداپ، كوتەرىلگەن ماسەلە بويىنشا ساياسي كەڭەس قاۋلىسىن قابىلدادى.

Nur Otan – 1999 جىلى قر تۇڭعىش پرەزيدەنتى نۇرسۇلتان نازارباەۆتىڭ باستاماسىمەن قۇرىلعان "وتان" پارتياسى. پارتيانىڭ كوشباسشىسى قر تۇڭعىش پرەزيدەنتى نۇرسۇلتان نازارباەۆ بولىپ تابىلادى.