Nur Otan partııasy saıası keńesiniń otyrysynda prezıdent saılaýyna kandıdat usyný máselesi qaraldy
Seısenbi, 23 sáýirde Qazaqstannyń tuńǵysh prezıdenti, Nur Otan partııasynyń tóraǵasy Nursultan Nazarbaevtyń qatysýymen ótetin XIX sezde partııa aldaǵy prezıdent saılaýyna óz kandıdatyn usynady.
Nur Otan partııasynyń saıası keńesiniń otyrysynda tóraǵanyń birinshi orynbasary Máýlen Áshimbaev partııanyń saılaýǵa belsendi qatysatynyn atap ótti.
"Aldymyzda úlken saıası naýqan – prezıdent saılaýy tur. Elbasynyń tapsyrmasyna sáıkes, bul saılaýǵa bizdiń partııamyz da belsendi túrde qatysady. Soǵan baılanysty erteń Elbasy, partııa tóraǵasynyń qatysýymen partııanyń kezekten tys XIX sezin ótkizip, aldaǵy saılaýǵa qatysatyn kandıdatymyzdy usynamyz", – dedi Áshimbaev.
Máýlen Áshimbaev prezıdent saılaýyna qatysatyn nurotandyq kandıdattyń esimin erteńgi sezde Elbasy aıtatynyn jetkizdi.
"Qazaqstannyń tuńǵysh prezıdentiniń usynysymen bizdiń partııamyzdan el prezıdenttigine kandıdat usyný bılik sabaqtastyǵynyń mańyzdy faktory bolyp sanalady jáne Nur Otan partııasynyń Elbasy saıasatyn tolyǵymen ári qaraı jalǵastyratynyn kórsetedi", – dediol.
Partııa jarǵysyna sáıkes, Qazaqstan respýblıkasynyń prezıdenttigine partııa atynan kandıdat usyný tek partııanyń joǵary basshylyq organy – sezd sheshimimen júzege asyrylady.
Partııa saıası keńesiniń músheleri Qazaqstan respýblıkasynyń prezıdenttigine kandıdat usyný týraly máseleni partııanyń XIX seziniń qaraýyna engizý týraly usynysty qoldap, kóterilgen másele boıynsha saıası keńes qaýlysyn qabyldady.
Nur Otan – 1999 jyly QR Tuńǵysh prezıdenti Nursultan Nazarbaevtyń bastamasymen qurylǵan "Otan" partııasy. Partııanyń kóshbasshysy QR Tuńǵysh prezıdenti Nursultan Nazarbaev bolyp tabylady.
Sputnik.
