كاسپي تەڭىزى جاعالاۋىندا جوعالىپ كەتكەن 36 جاستاعى ەر ادامنىڭ دەنەسىن 1 تامىزدا بالىقشىلار تاۋىپ الدى. بۇل تۋرالى ماڭعىستاۋ وبلىسى توتەنشە جاعدايلار دەپارتامەنتى مالىمدەدى، دەپ حابارلايدى “ادىرنا” ۇلتتىق پورتالى.
30 شىلدەدەن باستاپ قۇرىق اۋىلىنان 7 شاقىرىمداعى كاسپي تەڭىزىنىڭ جاعالاۋىندا تجد-نىڭ جەدەل-قۇتقارۋ جاساعىنىڭ كۇشىمەن بالىق اۋلاۋ كەزىندە جوعالىپ كەتكەن 1987 جىلى تۋعان ازاماتتى ىزدەۋ جۇمىستارى جۇرگىزىلدى. ەر ادامنىڭ ءمايىتى 1 تامىزدا ساعات 11:50 شاماسىندا جەرگىلىكتى بالىقشىلار تاۋىپ الدى، – دەيدى «لادا» باسىلىمى ماڭعىستاۋ وبلىسى تجد-عا سىلتەمە جاساپ.ىزدەستىرۋ-قۇتقارۋ جۇمىستارىنا اۋداندىق توتەنشە جاعدايلار ءبولىمىنىڭ، اۋدان، اۋىل اكىمدىگىنىڭ قىزمەتكەرلەرى جانە ەرىكتى جاستار، اۋىل تۇرعىندارى مەن بالىقشىلار جانە ءىز-ءتۇزسىز جوعالعان ازاماتتىڭ تۋىستارى دا جۇمىلدىرىلعان. ايتا كەتەيىك، بۇعان دەيىن ماڭعىستاۋدىڭ بەس تۇرعىنى 29 شىلدەدە قاراقيا اۋدانىنداعى قۇرىق اۋىلىنا بالىق اۋلاۋعا اتتانعانى حابارلانعان بولاتىن. تاڭەرتەڭ ەر ادامداردىڭ بىرەۋى جوق ەكەنى انىقتالدى. سونىمەن بىرگە ونىڭ زاتتارى جاعالاۋدان تابىلعان.
ۇقساس جاڭالىقتار
