1 تامىزدان باستاپ استاناداعى اۋەجايدىڭ اۆتوتۇراق ءتاريفى وزگەرەدى، دەپ حابارلايدى "ادىرنا" پورتالى اۋەجايدىڭ ءباسپاسوز قىزمەتىنە سىلتەپ.
P1, P2, P3 ايماعىنداعى اۆتوتۇراق اقىسى 100 تەڭگەدەن 200 تەڭگەگە قىمباتتايدى. P4, P5, P6 ايماعىنداعى باعا ساعاتىنا 50 تەڭگەدەن 100 تەڭگەگە كوتەرىلەدى.
وعان قوسا تەگىن ەكسپرەسس جەلىسىن (پارك جەلىسى بولمايتىن) قولدانۋدى تەرىس پايدالانۋ فاكتىلەرى مەن شاعىمداردىڭ كوبەيۋىنە وراي، كۇندىزگى ۋاقىتتا ءۇشىنشى جانە ودان كەيىنگى كەلۋشىلەرگە جولاۋشىلاردى وتىرعىزۋ جانە ءتۇسىرۋ ءۇشىن كۇندىزگى تەگىن 15 مينۋتتىق جەلىگە 300 تەڭگە سوماسىندا بولادى.
بۇل رەتتە جولاۋشىلاردى 15 مينۋت ىشىندە جەدەل وتىرعىزۋ جانە ءتۇسىرۋ لينياسىنا ءبىرىنشى جانە ەكىنشى كەلۋ اقىسىز كۇيى قالادى.
"اۆتوتۇراق تاريفتەرىنىڭ وزگەرۋى كوممۋنالدىق قىزمەت ءتاريفىنىڭ وسكەنىنە بايلانىستى. اۋەجايدا اۆتوتۇراق قۇنى باسقا كولىك نىساندارىمەن سالىستىرعاندا تومەن كۇيى قالىپ وتىر. اۆتوتۇراقتىڭ وڭ جاعىندا ورنالاسقان 274 ورىنعا ەسەپتەلگەن جابىق تۇراق قۇنىنىڭ باعاسى ىشكى رەيستەرگە ارنالعان ت2 تەرمينالى وزگەرىسسىز قالدى", – دەلىنگەن حابارلامادا.
