قاتتى اپتاپ ىستىققا بايلانىستى قۇتقارۋشىلار الماتىلىقتارعا ەسكەرتۋ جاسادى، - دەپ حابارلايدى "ادىرنا" پورتالى.
الماتىلىقتار 112 قىزمەتىنەن 27 شىلدەدە قالادا 37-39 گرادۋسقا دەيىن قاتتى ىستىق كۇتىلەتىنى تۋرالى حابارلاما الدى. الماتى قالاسىنىڭ توتەنشە جاعدايلار دەپارتامەنتى وسىعان بايلانىستى ازاماتتاردى كوشەدە جۇرۋدەن باس تارتۋدى سۇرادى.
قازاقستاندا 43 گرادۋسقا دەيىن قاتتى اپتاپ ىستىق بولادى
سونىمەن قاتار، توتەنشە جاعدايلار دەپارتامەنتىنىڭ مالىمەتى بويىنشا، 28 شىلدەدە الماتىدا جانە وعان ىرگەلەس تاۋلى ايماقتا قاتتى جاڭبىر جاۋىپ، نايزاعاي ويناپ، بۇرشاق جاۋى مۇمكىن. باتىستان سوعاتىن جەل كۇشتى، نايزاعاي كەزىندە ەكپىنى سەكۋندىنا 18-23 مەترگە جەتەدى.
ءورت سوندىرۋشىلەر ازاماتتارعا ءورتتى بولدىرماۋ بويىنشا كەڭەس بەردى:
- قاتتى جەلدە كولىكتەردى اعاشتاردىڭ استىندا قالدىرۋدى ۇسىنبايمىز. بۇل ەلەكتر جەلىلەرىنە جانە باسقا ءالسىز كۇشەيتىلگەن قۇرىلىمدارعا دا قاتىستى;
- تاۋدا دەمالۋ كەزىندە وت جاقپاڭىز، تەمەكى تارتپاڭىز، جانىپ جاتقان سىرىڭكە، تەمەكى تۇقىلىن تاستاماڭىز;
- ءبىر جەلىگە بىرنەشە ەنەرگيانى كوپ قاجەت ەتەتىن قۇرىلعىلاردى قوسپاۋ كەرەك، ويتكەنى ەلەكتر جەلىسىنىڭ شامادان تىس جۇكتەلۋى قىسقا تۇيىقتالۋعا جانە ورتكە اكەلۋى مۇمكىن.
"ادىرنا" ۇلتتىق پورتالى
