پحۋكەت پەن الماتى اراسىنداعى Air Astana رەيسىنىڭ بورتىندا ەلەكتروندى تەمەكى شەككەن الماتىلىق ەكى ازاماتقا ايىپپۇل سالىندى، - دەپ حابارلايدى "ادىرنا" ءتىلشىسى Polisia.kz سايتىنا سىلتەمە جاساپ.
كەلگەننەن كەيىن جولاۋشىلار جەلىلىك پوليتسيا ءبولىمىنىڭ قىزمەتكەرلەرىنە تاپسىرىلدى. كولىك پوليتسەيلەرىنىڭ تەكسەرۋى كەزىندە الماتى قالاسىنىڭ 36 جانە 37 جاستاعى تۇرعىندارى انىقتالدى.
قۇقىق بۇزۋشىلارعا قاتىستى قر اقبتك-ءنىڭ 441-بابىنىڭ 1-2-بولىگىمەن «اۋە كەمەسىنىڭ بورتىندا ەلەكتروندى تەمەكى بۇيىمدارىن تۇتىنۋ» بويىنشا اكىمشىلىك ماتەريالدار تولتىرىلىپ، اكىمشىلىك ايىپپۇلدار سالىندى. 50 اەك (172 500 تەڭگە – شامامەن).
پوليتسيا جىل باسىنان بەرى قازاقستاننىڭ كولىك پوليتسەيلەرى ءتۇرلى اكىمشىلىك قۇقىق بۇزۋشىلىقتار جاساعانى ءۇشىن 60 ازاماتتى، ونىڭ ىشىندە 29 ادام ۇشاق بورتىندا تەمەكى ونىمدەرىن تۇتىنعانى ءۇشىن رەيستەردەن شىعارىلعانىن ەسكە سالدى.
