اقش مەملەكەتتىك حاتشىسى ەنتوني بلينكەن رەسەيدىڭ استىق مامىلەسىنەن شىعۋ تۋرالى شەشىمىن "ارسىزدىققا" بالاپ، بارلىق ينفلياتسيانىڭ باستى سەبەبى رەتىندە اتادى، دەپ حابارلايدى "ادىرنا" ۇلتتىق پورتالى.
اقش حاتشىسى رەسەيدىڭ ارەكەتىن "ارسىزدىققا" بالاپ، كەلىسىمدى مۇمكىندىگىنشە تەز ءارى قايتا جاساۋعا شاقىردى.
"بارلىق ەلدەر مۇنى اسا مۇقيات قاداعالاپ وتىر دەپ سەنەمىن. ولار رەسەيدىڭ مىنانداي الەمدە ينفلياتسيا بولىپ، ازىق-تۇلىك باعاسى ارتىپ جاتقاندا "بۇيرەكتەن سيراق شىعارۋىن" تۇسىنە الار ەمەس. رەسەي استىق ساۋداسىنان باس تارتقاندارى ءۇشىن جاۋاپ بەرەتىندەرىن ۇمىتپاسىن", - دەدى مەملەكەتتىك حاتشى ەنتوني بلينكەن بريفينگ بارىسىندا.
ورايى كەلگەندە ايتا كەتەيىك، دۇيسەنبىدە، رەسەي استىق مامىلەسىن توقتاتقانىن جاريالاعاننان كەيىن، الەمدىك تاۋار نارىعىندا بيداي مەن جۇگەرى باعاسى كۇرت ءوستى. بۇل تۋرالى اقش-تىڭ CNN تەلەارناسى حابارلادى.
اق ءۇي رەسەيدىڭ شەشىمىن سىنعا الىپ، "ازىق-تۇلىك قاۋىپسىزدىگىن ناشارلاتادى جانە بۇكىل الەمدەگى ميلليونداعان كەدەي-كەپشىكتى قالتىراتادى" دەپ ەسكەرتتى، رەسەيدى "شەشىمىن دەرەۋ جويۋعا" شاقىردى.
ەسكە سالايىق، رەسەي تاراپى سەۆاستوپولدەگى رەيدتە تۇرعان قارا تەڭىز فلوتىنىڭ كەمەلەرى مەن ازاماتتىق كەمەلەرىنە شابۋىل جاساعان ۋكراينانىڭ قادامدارىنان كەيىن استىق مامىلەسىن جويىپ، بەلگىسىز مەرزىمگە توقتاتقان ەدى.
"ادىرنا" ۇلتتىق پورتالى
