قاراعاندىداعى بالاباقشادا بالالار شاينەكتىڭ قاعىن تازالايتىن سۋدان ۋلانىپ قالعانى حابارلاندى، دەپ جازادى "ادىرنا" ۇلتتىق پورتالى Ekaraganda.kz-كە سىلتەمە كورسەتە وتىرىپ.
2023 جىلعى 10 شىلدەدە "بايتەرەك" بوبەكجايى" كمم-دە ساعات 18.30 شاماسىندا "ەركەتاي" توبىنىڭ بالالارى سەرۋەندە ءجۇرىپ سۋ سۇرايدى. تاربيەشى توپتاعىلارعا شاينەكتەن سۋ قۇيىپ بەرەدى، وعان تاربيەشىنىڭ كومەكشىسى شاينەكتى قاقتان تازارتاتىن ءبىر دەو-حلور تابلەتكاسىن سالعان. تاربيەشى مۇعالىم بۇل تۋرالى بىلمەگەن. ەكى بالا ەرتىندىنى بىرنەشە رەت جۇتىپ جىبەرگەن. ساعات 18.55-تە مەديتسينا قىزمەتكەرى جەدەل جاردەم بريگاداسىن شاقىردى", - دەپ حابارلادى قاراعاندى ءبىلىم ءبولىمى.
بالالاردىڭ انا-انالارى جۋرناليستەرگە جۇگىنگەن:
"اتا-انالاردىڭ ايتۋىنشا، كەي بالالاردىڭ اسقازانىن جۋعا تۋرا كەلگەن. بالاعا ەكىنشى دارەجەلى وڭەش پەن اسقازاننىڭ حيميالىق كۇيىگى دياگنوزى قويىلىپ، قازىر 83 كەنشىلەر بالالار اۋرۋحاناسىندا ەمدەلۋدە", - دەلىنگەن حابارلامادا.
حلورلانعان سۋ ىشكەن بالانىڭ 17 شىلدەدەگى جاعدايى تۇراقتى دەپ باعالاندى. دەگەنمەن ونىڭ وتباسى رەنتگەن ناتيجەلەرىن كۇتىپ وتىر.
"حلورلانعان سۋ بەرگەن تاربيەشىنىڭ ءوزى. ونىڭ ايتۋىنشا، ول مۇنى جاي سۋ دەپ ويلاعان. مەنىڭ ۇلىمنان باسقا تاعى ءبىر قىز ۋلاندى، بىراق ونىڭ جاعدايى، مەنىڭ بىلۋىمشە، جاقسى. ءبىزدى ەشكىم بۇدان حاباردار ەتپەدى. اتا-انالار بۇل تۋرالى كەشكە بالاباقشاعا كەلگەندە عانا ءبىلدى... ەگەر جەدەل جاردەم شاقىرىلىپ، بالالار اسقازاندارىن ەرتەرەك جۋسا، مەنىڭ بالام جاقسى بولار ەدى. بالاباقشا قىزمەتكەرلەرى ءوز جۇمىسىنا جاۋاپسىز قارادى دەپ سانايمىن. ءبىز ميحايلوۆو پوليتسيا بولىمىنە حابارلاستىق، تەرگەۋ باستالاتىنىن بىلەمىز. ازىرگە بالاباقشا تاربيەشىسى مەن مەدبيكە سول جەردە جۇمىسىن جالعاستىرۋدا... ءبىز قالالىق ءبىلىم بولىمىنە دە حابارلاستىق. ولار بۇل ماسەلەنى قاراستىرىپ جاتقاندارىن ايتتى", - دەدى ليۆانشو.
وبلىستىڭ دەنساۋلىق ساقتاۋ باسقارماسى ۋلانۋ فاكتىسى بويىنشا بالالاردىڭ 10 شىلدەدە كوپسالالى وبلىستىق بالالار اۋرۋحاناسىنا كەلىپ تۇسكەنىن حابارلادى.
"تەكسەرۋ جۇرگىزىلىپ، ەمدەۋ تاعايىندالدى. قازىرگى ۋاقىتتا بالانىڭ جاعدايى تۇراقتى، قاناعاتتانارلىق دەۋگە بولادى. باسقا بولىمگە اۋىرتىرا جاتارمىز", - دەدى دەنساۋلىق مەكەمەسى.
اكىمشىلىك مۇنداي وقيعانى بالاباقشا قىزمەتكەرلەرىنىڭ ءوز قىزمەتىنە سالعىرتتىق پەن جاۋاپسىزدىق تانىتۋىنان بولدى دەپ باعالادى.
"11 شىلدەدە بارلىق كىنالىلەر – مەديتسينا قىزمەتكەرى، تاربيەشى، تاربيەشىنىڭ كومەكشىسى – تارتىپتىك جاۋاپكەرشىلىككە تارتىلدى", - دەدى قالالىق ءبىلىم ءبولىمى.
"ادىرنا" ۇلتتىق پورتالى
