مادەنيەت جانە سپورت ءمينيسترى اسحات ورالوۆ لۋدومانيامەن كۇرەس ماسەلەسىن تالقىلادى. بۇل تۋرالى ول ۆيتسە-مينيسترلەردىڭ، كوميتەت توراعالارىنىڭ جانە قر مسم اپپارات باسشىسىنىڭ قاتىسۋىمەن اپپاراتتىق كەڭەستە ايتتى، دەپ حابارلايدى “ادىرنا” ۇلتتىق پورتالى.
مادەنيەت جانە سپورت مينيسترلىگى جانىنان زاڭعا وزگەرىستەر ەنگىزۋ ءۇشىن جۇمىس توبى قۇرىلىپ، بەلسەندى جۇمىس اتقارىپ جاتىر. بۇگىنگى تاڭدا قالا كوشەلەرىنە قارايتىن بولساق، ەلوردادان باستاپ شالعايداعى اۋىلعا دەيىن ءاربىر كوشەدە بيلبوردتار، باننەرلەردە قۇمار ويىنداردىڭ جارناماسى تۇر. ەشقانداي ءتارتىپ جوق. سوندىقتان بۇنىن ءبارىن توقتاتۋىمىز كەرەك. كەرەك بولسا ارنايى بۇيرىقتارعا، زاڭعا دا وزگەرىستەر ەنگىزۋ قاجەت. بۇل ماسەلەنى شەشۋدى سوزباي، تەز ارادا شەشىم قابىلداۋىمىز ماڭىزدى. وسى باعىتتاعى جۇمىستى كۇشەيتۋىمىز كەرەك،- دەدى اسحات ورالوۆ.
سونداي-اق، مينيستر بۇگىنگى تاڭدا ەلىمىزدە بۋكمەكەرلىك كەڭسەلەردەگى جاعداي تۇزەلىپ كەلە جاتقانىن ايتتى. سوڭعى 2,5 جىلدا ولاردىڭ سانى 38-دەن 16-عا دەيىن ازايدى. قازىر 4 بۋكمەكەرلىك كەڭسەنىڭ ليتسەنزياسىنىڭ كۇشىن جويۋ بويىنشا جۇمىس ءجۇرىپ جاتىر. جىل باسىنان 5 ليتسەنزيا قايتارىپ الىنعان.
