قىمىز ءىشىپ كولىك تىزگىندەگەن ادامنىڭ زاڭ بويىنشا جازالانۋىنا قاتىستى زاڭگەر مامان جاۋاپ بەردى، دەپ جازادى "ادىرنا" ءتىلشىسى.
زاڭگەر ەلنۋرا كىشكەنەباەۆا الەۋمەتتىك جەلىدە ءجيى قويىلاتىن ساۋالعا جاۋاپ بەردى. ول قازىرگى تاڭدا كوپتەگەن وتىرىستاردا الكوگولدى سۋسىنداردىڭ ورنىنا قىمىز قولدانۋ جيىلەپ كەتكەنىن ايتىپ، وقىرمانداردان ءجيى كەلەتىن سۇراققا:
"قىمىزدىڭ قۇرامىندا 0,5%- 4,5%-عا دەيىن ەتيل ءسپيرتى بار. نەگىزى ماسايۋدىڭ ءۇش ءتۇرى بار. 0,5% - 1,5%-عا دەيىن جەڭىل، 1,5% - 2,5%-عا دەيىن ورتا، 2,5% -دان جوعارىلاعان سايىن ول قاتتى ماسايۋ بولىپ سانالادى. جالپى ءسىزدى كولىك جۇرگىزۋ بارىسىندا جول پوليتسيا قىزمەتكەرلەرى ۇستاعان جاعدايدا ارنايى الكوتەست ارقىلى وسى كورسەتكىشتى كورسەتەتىن بولسا، ياعني سىزدە ماسايۋدىڭ جەڭىل ءتۇرى بولاتىن بولسا، ايىپپۇل نەگىزىندە تولەم جاسايسىز. ال ەگەر دە ورتا جانە جوعارى ماسايۋ دەڭگەيى كورسەتەتىن بولسا، كولىك جۇرگىزۋ كۋالىگىنەن ايىرىلاسىز. سوندىقتان كولىك تىزگىندەگەن كەزدە قىمىز ىشپەگەن دۇرىس" دەپ جاۋاپ بەردى.
