مينيسترلىك ەلورداداعى ساۋدا-ويىن-ساۋىق ورتالىعىندا بولعان بۇزاقىلىق فاكتىسى بويىنشا تەرگەۋدى جالعاستىرىپ جاتىر، دەپ حابارلايدى "ادىرنا" ۇلتتىق پورتالى.
ەستەرىڭىزدە بولسا، استاناداعى ءىرى ساۋدا ويىن-ساۋىق ورتالىعىنىڭ فۋد-كورتىندا جانجال بولىپ، قولىندا بالاسى بار ەر ادامعا جۇدىرىق الا جۇگىرگەن ادامنىڭ كاسىبي بوكسشى بەيبىت شۇمەنوۆ ەكەنى انىقتالعان ەدى.
مينيسترلىكتىڭ ءباسپاسوز قىزمەتى تاراتقان اقپارات بويىنشا، وقيعا 18 ماۋسىمدا بولعان. استاناداعى "Mega Silk Way" ساۋدا-ويىن-ساۋىق ورتالىعىنداعى كافەلەردىڭ بىرىندە قوعامدىق ءتارتىپ بۇزىلىپ، كەلۋشىلەردىڭ ءبىرى ەكىنشىسىن ۇرىپ-سوققان.
قازىرگى ۋاقىتتا وسى فاكت بويىنشا قر قك-ءنىڭ 293-بابىمەن (بۇزاقىلىق) سوتقا دەيىنگى تەرگەۋ باستالدى، ول 5 جىلعا دەيىن باس بوستاندىعىنان ايىرۋدى كوزدەيدى.
ىشكى ىستەر ورگاندارى بارلىق قاجەتتى جەدەل-تەرگەۋ ءىس-شارالارى جۇرگىزىلىپ جاتقانىن، ولاردىڭ ناتيجەلەرى بويىنشا قۇقىقتىق باعا بەرىلەتىنىن ءمالىم ەتتى.
