Ministrlık elordadaǧy sauda-oiyn-sauyq ortalyǧynda bolǧan būzaqylyq faktısı boiynşa tergeudı jalǧastyryp jatyr, dep habarlaidy "Adyrna" ūlttyq portaly.
Esterıŋızde bolsa, Astanadaǧy ırı sauda oiyn-sauyq ortalyǧynyŋ fud-kortynda janjal bolyp, qolynda balasy bar er adamǧa jūdyryq ala jügırgen adamnyŋ käsıbi boksşy Beibıt Şümenov ekenı anyqtalǧan edı. Ministrlıktıŋ baspasöz qyzmetı taratqan aqparat boiynşa, oqiǧa 18 mausymda bolǧan. Astanadaǧy "Mega Silk Way" sauda-oiyn-sauyq ortalyǧyndaǧy kafelerdıŋ bırınde qoǧamdyq tärtıp būzylyp, keluşılerdıŋ bırı ekınşısın ūryp-soqqan. Qazırgı uaqytta osy fakt boiynşa QR QK-nıŋ 293-babymen (Būzaqylyq) sotqa deiıngı tergeu bastaldy, ol 5 jylǧa deiın bas bostandyǧynan aiyrudy közdeidı. Işkı ıster organdary barlyq qajettı jedel-tergeu ıs-şaralary jürgızılıp jatqanyn, olardyŋ nätijelerı boiynşa qūqyqtyq baǧa berıletının mälım ettı.Ūqsas jaŋalyqtar
