پارلامەنت مەملەكەتتىك جانە ازاماتتىق قىزمەتشىلەردىڭ جەكەلەگەن ساناتتارىنىڭ جالاقىسىن ارتتىرۋعا مۇمكىندىك بەرەتىن زاڭدى قابىلدادى، دەپ حابارلايدى Sputnik قازاقستان تىلشىسى.
سەنات ءۇش جىلدىق رەسپۋبليكالىق بيۋدجەت تۋرالى زاڭ جوباسىن ءتيىستى تۇزەتۋلەرمەن تومەنگى پالاتاعا كەرى قايتارعان بولاتىن. ويتكەنى قوسىمشا شىعىندار ەسكەرىلىپ وتىر. جاڭا مەملەكەتتىك ورگان – ەلباسى كەڭسەسىن قۇرۋعا (1 ميلليارد تەڭگە) جانە جالاقىسى تومەن قىزمەتكەرلەردىڭ ەڭبەكاقىسىن ارتتىرۋعا (37 ميلليارد تەڭگە) بيۋدجەتتەن قارجى بولىنەدى.
ءماجىلىستىڭ جالپى وتىرىسىندا قارجى جانە بيۋدجەت كوميتەتىنىڭ مۇشەسى سەرىك قۇسايىنوۆ بۇل زاڭعا سايكەس قازاقستاندىقتاردىڭ جالاقىسىن ارتاتىنىن اتاپ ءوتتى.
"سەنات ەنگىزگەن وزگەرتۋلەر مەملەكەت باسشىسىنىڭ مەملەكەتتىك جانە ازاماتتىق قىزمەتشىلەردىڭ جەكەلەگەن ساناتتارىنىڭ جالاقىسىن ءوسىرۋدى 1 شىلدەدەن 1 ماۋسىمعا جىلجىتۋ تاپسىرماسىن ورىنداۋعا باعىتتالعان. رەسپۋبليكالىق بيۋدجەت شىعىنىن 38 ميلليارد تەڭگەگە ارتتىرۋ ۇسىنىلىپ وتىر", - دەدى ءماجىلىس دەپۋتاتى.
ءماجىلىس دەپۋتاتتارى سەنات ەنگىزگەن وزگەرىستەردى قولداپ داۋىس بەردى.
ەسكە سالا كەتسەك، قازاقستاننىڭ تۇڭعىش پرەزيدەنتى - ەلباسى نۇرسۇلتان نازارباەۆ "نۇر وتان" پارتياسىنىڭ سەزىندە 2019 جىلدىڭ 1 شىلدەسىنەن باستاپ بيۋدجەت سالاسىنداعى ايلىعى تومەن قىزمەتكەرلەردىڭ جالاقىسىن 30%-كە، اۋداندىق جانە وبلىستىق دەڭگەيلەردە تىكەلەي حالىقپەن جۇمىس ىستەيتىن اتقارۋشى ورگانداردىڭ تومەنگى ساتىداعى قىزمەتكەرلەرىنىڭ جالاقىسىن ورتاشا ەسەپپەن 25%-كە ءوسىرۋدى تاپسىرعان بولاتىن.
كەيىنىرەك قازاقستان پرەزيدەنتى قاسىم-جومارت توقاەۆ جالاقىسى تومەن قىزمەتكەرلەردىڭ ايلىعىن 1 شىلدەدەن ەمەس، 1 ماۋسىمنان باستاپ كوتەرۋ تۋرالى تاپسىرما بەردى.
