Parlament memlekettık jäne azamattyq qyzmetşılerdıŋ jekelegen sanattarynyŋ jalaqysyn arttyruǧa mümkındık beretın zaŋdy qabyldady, dep habarlaidy Sputnik Qazaqstan tılşısı.
Senat üş jyldyq respublikalyq biudjet turaly zaŋ jobasyn tiıstı tüzetulermen tömengı palataǧa kerı qaitarǧan bolatyn. Öitkenı qosymşa şyǧyndar eskerılıp otyr. Jaŋa memlekettık organ – Elbasy keŋsesın qūruǧa (1 milliard teŋge) jäne jalaqysy tömen qyzmetkerlerdıŋ eŋbekaqysyn arttyruǧa (37 milliard teŋge) biudjetten qarjy bölınedı.
Mäjılıstıŋ jalpy otyrysynda qarjy jäne biudjet komitetınıŋ müşesı Serık Qūsaiynov būl zaŋǧa säikes qazaqstandyqtardyŋ jalaqysyn artatynyn atap öttı.
"Senat engızgen özgertuler memleket basşysynyŋ memlekettık jäne azamattyq qyzmetşılerdıŋ jekelegen sanattarynyŋ jalaqysyn ösırudı 1 şıldeden 1 mausymǧa jyljytu tapsyrmasyn oryndauǧa baǧyttalǧan. Respublikalyq biudjet şyǧynyn 38 milliard teŋgege arttyru ūsynylyp otyr", - dedı mäjılıs deputaty.
Mäjılıs deputattary senat engızgen özgerısterdı qoldap dauys berdı.
Eske sala ketsek, Qazaqstannyŋ tūŋǧyş prezidentı - Elbasy Nūrsūltan Nazarbaev "Nūr Otan" partiiasynyŋ sezınde 2019 jyldyŋ 1 şıldesınen bastap biudjet salasyndaǧy ailyǧy tömen qyzmetkerlerdıŋ jalaqysyn 30%-ke, audandyq jäne oblystyq deŋgeilerde tıkelei halyqpen jūmys ısteitın atqaruşy organdardyŋ tömengı satydaǧy qyzmetkerlerınıŋ jalaqysyn ortaşa eseppen 25%-ke ösırudı tapsyrǧan bolatyn.
