پرەزيدەنت سايلاۋىنىڭ كۇنى بەكىتىلدى. بەيىمبەت ايتپاقشى، "قايدان كەلەسىڭ؟ سايلاۋدان كەلەمىن. قايدا باراسىڭ؟ سايلاۋعا بارامىن" الا شاپقىن ەندى باستالادى. جۇرت ازىرگە بيلىك تاراپىنان قازىرگى پرەزيدەنت قاسىم-جومارت توقاەۆتى كانديدات رەتىندە تانۋدا. داريعا نازارباەۆانىڭ دا اتى اتالۋدا. ودان بولەك الەۋمەتتىك جەلى بەتىن تاعى ءبىر كانديداتتىڭ ەسىم-سويى شارلاپ ءجۇر. جۇرتتىڭ، ياعني سايلاۋداعى ەلەكتوراتتىڭ ءبىراز بولىگى ول كىسىنى پرەزيدەنت تاعىنان كورگىسى كەلەدى. ول – يمانعالي تاسماعامبەتوۆ.
قازىرگى قازاقستاننىڭ رەسەيدەگى ەلشىسى، كەزىندەگى كومسومولدىڭ كوسەمىن قولداۋشىلار سانى دا از ەمەس. ەگەر، توقاەۆ ءوزى ايتقانداي ء"ادىل ءارى تازا، اشىق سايلاۋ وتكىزەتىن بولسا" ەلىمىزدىڭ باتىس وڭىرىنەن تاسماعامبەتوۆ 100 پايىز بولماسا دا، 80 پايىز داۋىستى جيناپ تۇر. ءارى ەلىمىزدىڭ زيالى قاۋىم وكىلدەرىنىڭ دە ءبىر بۇيرەگى نۇرعاليۇلىنا بۇرىپ تۇرادى.
بىراق، سايلاۋ تۋرالى زاڭدا ۇمىتكەر ادام كەمى 5 جىل قازاقستاندا تۇرۋى شارت دەپ كورسەتىلگەن. ماسكەۋ اسقانىنا ەكى جىل اسقان تاسماعامبەتوۆ بۇل زاڭ بويىنشا سايلاۋعا تۇسە المايدى. بۇل زاڭعا تالاس تۋدىراتىن جالعىز عانا تۇسى ول شەت مەملەكەتتەگى ەلشىلىك ورنالاسقان تەرريتوريا رەسمي تۇردە سول مەملەكەتتىڭ يەلىگى بولىپ سانالادى. بۇعان سالساق، رەسەيدەگى ەلشىلىك ورنالاسقان تەرريتوريا قازاقستان رەسپۋبليكاسىنىڭ اۋماعى.
الدىڭعى جىلى ادىلەت ءمينيسترى مارات بەكەتاەۆ ايتقان تۇجىرىمعا سۇيەنسەك، يمانعالي نۇرعاليۇلى بۇل سايلاۋعا قاتىسا المايدى.
«قازاقستاندا تۇرمايتىن ەلشىلەردىڭ پرەزيدەنتتىككە ۇمىتكەر بولۋعا قۇقىعى جوق. سەبەبى كونستيتۋتسيالىق زاڭ تالابى بويىنشا پرەزيدەنتتىككە ۇمىتكەر قازاقستاندا تۇرۋى كەرەك. ال ەلشىلەر قازاقستاندا تۇرمايدى. سوندىقتان ولار ۇمىتكەر بولۋى مۇمكىن ەمەس» دەگەن بولاتىن ادىلەت مينيسترلىگى.
سوندىقتان تاسماعامبەتوۆ بۇل سايلاۋعا قاتىسقىسى كەلسە دە قاتىسا المايدى دەگەن تۇجىرىم جاساۋعا بولادى.
"ادىرنا" ۇلتتىق پورتالى
