5 شىلدە كۇنى كامەلەتكە تولماعان ەكى بالا ساتباەۆ اتىنداعى سۋ ارناسىنا باتىپ كەتتى. بۇل تۋرالى پاۆلودار وبلىسى توتەنشە جاعدايلار دەپارتامەنتىنىڭ ءباسپاسوز قىزمەتى جاريالادى، دەپ حابارلايدى “ادىرنا” ۇلتتىق پورتالى.
112 پۋلتىنە كەشە ساعات 18.00-دە ەكىباستۇز قالاسىنىڭ اكىمشىلىك باعىنىسىنداعى بايەت اۋىلىنىڭ 6 جانە 7-سىنىپتىڭ ەكى وقۋشىسى ساتپاەۆ ارناسىنا بەت الىپ، قايتىپ ورالماعانى تۋرالى تەلەفون ارقىلى حابارلاما كەلىپ ءتۇستى.
ولاردىڭ قاسىندا اتا-انالارى مەن باسقا دا ەرەسەك ادام بولماعان. بالالاردىڭ كيىمدەرى جاعادان تابىلدى. ەكىباستۇز قالاسىنىڭ قۇتقارۋشىلارى تۇندە ءبىر بالانىڭ، تاڭەرتەڭ ەكىنشى بالانىڭ دەنەسىن تاپتى، دەلىنگەن حابارلامادا.
وبلىستىق توتەنشە جاعدايلار دەپارتامەنتى جابدىقتالماعان سۋ ايدىندارىندا شومىلۋعا تىيىم سالىنعانىن ەسكەرتتى.
