كەنتاۋدا ءاپ-cاتتە دايىندالاتىن تاعام اساپ، ودان ۋلانعاندار سانى 100-گە جەتتى. فاست-فۋدپەن قوسا "وپىق جەگەندەردىڭ" اراسىندا 3 جۇكتى ايەل بار، دەپ حابارلايدى "ادىرنا" ۇلتتىق پورتالى.
تاعامنان ۋلانعانداردىڭ دەرەگى جايلى تۇركىستان وبلىسىنىڭ سانيتاريالىق-ەپيدەميولوگيالىق باقىلاۋ دەپارتامەنتىنىڭ ءباسپاسوز قىزمەتىنەن ءمالىم ەتتى. ولاردىڭ جازۋىنشا، كەنتاۋ قالاسىندا ورنالاسقان «ريزىق-راۋانى» فاست-فۋد ورتالىعىندا تاماقتان ۋلانعاندار سانى 100-گە جەتتى. ولاردىڭ اراسىندا14 جاسقا تولماعان 40 ءجاسوسپىرىم، 3 جۇكتى ايەل بار. قازىرگى كەزدە اتالعان جاعداي نەگىزىندە كەنتاۋ قالالىق پوليتسيا ءبولىمى قىلمىستىق ءىس قوزعاپ، سوتقا دەيىنگى تەرگەپ-تەكسەرۋ جۇرگىزىپ جاتىر.
بۇگىنگى كۇنى كەنتاۋ قالالىق ورتالىق اۋرۋحاناسىندا ستاتسيونارلىق ەم قابىلداعان 67 ناۋقاس ۇيلەرىنە جىبەرىلدى. دەگەنمەن ولاردىڭ بارلىعى ۋچاسكەلىك دارىگەرلەردىڭ باقىلاۋىندا بولادى. قالعان استان ۋلانعان 25 ناۋقاس امبۋلاتوريالىق ەم قابىلداپ جاتىر. سونداي-اق تۇركىستان قالالىق جۇقپالى اۋرۋلار اۋرۋحاناسىنا 8 تۇرعىن جاتقىزىلعان.
ەسكە سالا كەتەيىك، كەنتاۋ قالاسىندا ورنالاسقان «ريزىق-راۋانى» فاست-فۋد ورتالىعىندا تاماقتانعان 92 ادام ۋلانىپ قالعان ەدى. ولاردىڭ اراسىندا 14 جاسقا تولماعان 40 ءجاسوسپىرىم، 3 جۇكتى ايەل بار. اتالعان جاعداي بويىنشا كەنتاۋ قالالىق پوليتسيا ءبولىمى قىلمىستىق ءىس قوزعاپ، سوتقا دەيىنگى تەرگەپ-تەكسەرۋ جۇرگىزىپ جاتىر.
كەنتاۋ قالاسىنىڭ 17 تۇرعىنى 1 شىلدەدە اۋرۋحانادان شىقتى.
قازىرگى قولدا بار دەرەكتەرگە سەنسەك، ءدامحانانىڭ قىزمەتكەرلەرىنەن سالمونەللەز بەن ستافيلوكوكك قوزدىرعىشتارى انىقتالعانى ايتىلادى.
"ادىرنا" ۇلتتىق پورتالى
