Kentauda äp-cätte daiyndalatyn taǧam asap, odan ulanǧandar sany 100-ge jettı. Fast-fudpen qosa "opyq jegenderdıŋ" arasynda 3 jüktı äiel bar, dep habarlaidy "Adyrna" ūlttyq portaly.
Taǧamnan ulanǧandardyŋ deregı jaily Türkıstan oblysynyŋ Sanitariialyq-epidemiologiialyq baqylau departamentınıŋ baspasöz qyzmetınen mälım ettı. Olardyŋ jazuynşa, Kentau qalasynda ornalasqan «Rizyq-Rauany» fast-fud ortalyǧynda tamaqtan ulanǧandar sany 100-ge jettı. Olardyŋ arasynda14 jasqa tolmaǧan 40 jasöspırım, 3 jüktı äiel bar. Qazırgı kezde atalǧan jaǧdai negızınde Kentau qalalyq polisiia bölımı qylmystyq ıs qozǧap, sotqa deiıngı tergep-tekseru jürgızıp jatyr.
Bügıngı künı Kentau qalalyq ortalyq auruhanasynda stasionarlyq em qabyldaǧan 67 nauqas üilerıne jıberıldı. Degenmen olardyŋ barlyǧy uchaskelık därıgerlerdıŋ baqylauynda bolady. Qalǧan astan ulanǧan 25 nauqas ambulatoriialyq em qabyldap jatyr. Sondai-aq Türkıstan qalalyq jūqpaly aurular auruhanasyna 8 tūrǧyn jatqyzylǧan.
Eske sala keteiık, Kentau qalasynda ornalasqan «Rizyq-Rauany» fast-fud ortalyǧynda tamaqtanǧan 92 adam ulanyp qalǧan edı. Olardyŋ arasynda 14 jasqa tolmaǧan 40 jasöspırım, 3 jüktı äiel bar. Atalǧan jaǧdai boiynşa Kentau qalalyq polisiia bölımı qylmystyq ıs qozǧap, sotqa deiıngı tergep-tekseru jürgızıp jatyr.
Kentau qalasynyŋ 17 tūrǧyny 1 şıldede auruhanadan şyqty.
Qazırgı qolda bar derekterge sensek, dämhananyŋ qyzmetkerlerınen salmonellez ben stafilokokk qozdyrǧyştary anyqtalǧany aitylady.
"Adyrna" ūlttyq portaly
