3 شىلدەدە گااگادا ۋكرايناعا قارسى اگرەسسيا قىلمىسىن قۋدالاۋ جونىندەگى حالىقارالىق ورتالىق (ICPA) اشىلدى، دەپ حابارلايدى "ادىرنا" ۇلتتىق پورتالى "Deutsche Welle"-گە سىلتەمە كورسەتە وتىرىپ.
DW ءتىلشىسىنىڭ حابارلاۋىنشا، حالىقارالىق ورتالىقتىڭ قۇرامىنا ۋكراينا، ەۋرووداق، اقش جانە حالىقارالىق قىلمىستىق سوت (حبك) وكىلدەرى كىرەدى. ورتالىقتىڭ باستى مىندەتى - ۋكرايناعا قارسى كورسەتىلگەن اگرەسسيا قىلمىسىنىڭ دالەلدەرىن جيناۋ جانە باسقىنشىلىققا قارسى تەرگەۋ جۇرگىزۋ.
ۋكراينا، بالتىق ەلدەرى، رۋمىنيا جانە اقش پروكۋرورلارى گااگادا ۋكرايناعا قارسى اگرەسسيا قىلمىسىنىڭ دالەلدەرىن جينايدى. باسىلىمنىڭ جاۋىنشا، مۇنداي قىزمەت كىنالىلەردى جاۋاپقا تارتۋ جولىنداعى العاشقى ناقتى قادام سانالادى.
ەۋروپالىق ادىلەت كوميسسارى ديدە رەيندەرستىڭ ايتۋىنشا، ورتالىق اشۋ - ۋكرايناعا قارسى اگرەسسيا ءۇشىن كىنالىلەردى جاۋاپقا تارتۋ جولىنداعى العاشقى ءارى ناقتى قادام.
"بۇل - الەمدىك كۇرەستىڭ دالەلى. ءبىز ۋكراينانى قاجەتىنشە قولداۋعا مىندەتتىمىز",-دەدى ول ەۋروۋستا وتكەن ءباسپاسوز ءماسليحاتىندا.
سونىمەن قاتار، كوميسسار حالىقارالىق ورتالىقتا 20 پروكۋرور قىزمەت ەتىپ، اگرەسسيالىق سيپاتتاعى ارەكەتتەردى اشكەرەلەۋمەن اينالىساتىنىن ايتتى.
"ادىرنا" ۇلتتىق پورتالى
