بۇگىن 80 جاسىندا قوعام قايراتكەرى، قازاقستاننىڭ ۇلتتىق اگروونەركاسىپ پالاتاسىنىڭ باسشىسى قاجىمۇقان قاسىمۇلى ءماسىموۆ قايتىس بولدى.
ول 1939 جىلى 18 ساۋىردە دۇنيەگە كەلگەن.
ومبى تەمىر جول، پاۆلودار يندۋستريالدى جانە الماتى دەنە شىنىقتىرۋ ينستيتۋتتارىن بىتىرگەن. قازاق تۋريزم جانە سپورت اكادەمياسى سپورتتىق مەديتسينا كافەدراسىنىڭ قۇرمەتتى پروفەسسورى.
2016 جىلدىڭ قاراشا ايىنان باستاپ "قازاقستاننىڭ ۇلتتىق اگروونەركاسىپتىك پالاتاسى" زاڭدى تۇلعالار جانە جەكە كاسىپكەرلەر قاۋىمداستىعى قۇرىلتايشىلارىنىڭ جالپى جينالىسىندا توراعا بولىپ سايلاندى.
ء"ماسىموۆ ساۋىقتىرۋ ورتالىعى" جشس باس ديرەكتورى، قازاقستان يوگا قاۋىمداستىعىنىڭ پرەزيدەنتى بولدى. قوشتاسۋ ءراسىمى 8 ساۋىردە ساعات 20:00-دە الماتىداعى قابىلداۋ ۇيىندە وتەدى. اقتىق ساپارعا شىعارىپ سالۋ ءراسىمى 9 ساۋىردە ساعات 10.00-دەن 11.00-گە دەيىن الماتى قالاسىندا عالىمدار ۇيىندە (عىلىم اكادەمياسى) وتەدى. 9 ساۋىردە ساعات 13:00-دە قابىلداۋ ۇيىندە اس بەرىلەدى.
