كوكشەتاۋ كوشەلەرىن سۋ باستى. كۋاگەرلەر اۋداندارداعى سۋ تاسقىنىن ۆيدەوعا ءتۇسىرىپ جاتىر، - دەپ حابارلايدى Tengrinews.kz ءتىلشىسى.
"بۇگىن 04.50-دە قىلشاقتى وزەنىندە سۋ دەڭگەيى كۇرت كوتەرىلىپ كەتتى. وزەن جاعالاۋدان ءوتىپ، كوكشەتاۋ قالاسىنداعى التى ءۇي مەن 12 اۋلا ۋچاسكەسىن باسىپ تاستادى. قازىر ينجەنەرلىك جۇمىس ىستەلىپ جاتىر، ياعني، قىلشاقتى وزەنىنىڭ جاعالاۋىنا توپىراق توگىلىپ، ۇيلەردەن سۋ تارتىلىپ جاتىر. سۋ دەڭگەيى تومەندەدى", - دەدى ءىىم باسشىسى ەرلان تۇرعىمباەۆ.
وبلىس ورتالىعىنداعى بريفينگتە تجد باسشىسى الەكسەي سوۆەتوۆ سۋدىڭ قايدان كەلگەنىن ايتىپ بەردى.
"قىلشاقتى وزەنىندە سۋ دەڭگەيى قاتتى كوتەرىلىپ كەتتى. وزەنگە قوسىلعان سۋدىڭ ءبىر بولىگى كەنەسارى توعانىنان كەلگەن. ال باسىم بولىگى يۆانوۆسكي توعانىنان قوسىلعان. ءبىز سۋ تاسقىنىنىڭ قاۋپىن جويىپ، كوكشەتاۋ قالاسىنا ءتيۋى مۇمكىن زاقىمدى ازايتتىق", - دەدى بريفينگتە اقمولا وبلىسى تجد باسشىسى الەكسەي سوۆەتوۆ. ونىڭ ايتۋىنشا، بيىل 31 ناۋرىزدا 10-15 سانتيمەترلىك قاردىڭ ەرۋى وزەندەگى سۋ دەڭگەيىنىڭ كوتەرۋىلۋىنە اكەپ سوقتىرعان. قازىر سۋ تاسقىنىن جويۋ ءۇشىن تەحنيكانىڭ ءبارى جۇمىلدىرىلعان. 15-كە جۋىق اۋلا ايماقتارىن سۋ باسقان. 17.00-گە دەيىن تجد ۇيلەردەن سۋدى تارتىپ شىعارىپ، قاۋىپتىڭ بەتىن قايتارۋعا ۋادە بەردى.
