شولپان كارينوۆا قازاقستان رەسپۋبليكاسىنىڭ وقۋ-اعارتۋ ءبىرىنشى ۆيتسە-ءمينيسترى قىزمەتىنەن بوساتىلدى، - دەپ حابارلايدى "ادىرنا" ءتىلشىسى ۇكىمەت سايتىنا سىلتەمە جاساپ.
"قر ۇكىمەتىنىڭ قاۋلىسىمەن شولپان تاڭاتقىزى كارينوۆا قازاقستان رەسپۋبليكاسىنىڭ وقۋ-اعارتۋ ءبىرىنشى ۆيتسە-ءمينيسترى قىزمەتىنەن بوساتىلدى", - دەلىنگەن پرەمەر-ءمينيستردىڭ ءباسپاسوز قىزمەتى حابارلاماسىندا.
شولپان كارينوۆا 1972 جىلى اقمولا وبلىسىندا دۇنيەگە كەلگەن. شوحان ءۋاليحانوۆ اتىنداعى كوكشەتاۋ پەداگوگيكالىق ينستيتۋتىن، ومبى مەملەكەتتىك پەداگوگيكالىق ۋنيۆەرسيتەتىن بىتىرگەن. ەڭبەك جولىن 1994 جىلى ورتا مەكتەپ مۇعالىمى بولىپ باستادى.
1998-2003 جىلدارى ءبىلىم بەرۋ ۇيىمدارىندا وقىتۋشىلىق جانە اۋدارما قىزمەتىمەن اينالىسقان.
2004-2005 جىلدارى – سقو تايىنشا اۋدانى №5 ورتا مەكتەبىنىڭ ديرەكتورى.
2005-2012 جىلدارى سقو تايىنشا اۋدانىنىڭ ءبىلىم بولىمىندە; تايىنشا قالاسى اكىمى اپپاراتىنىڭ قۇرىلىمدىق بولىمشەلەرىندە; پەتروپاۆل قالاسى، سقو ءبىلىم باسقارماسىندا باسشىلىق قىزمەت اتقارعان.
2012-2013 جىلدارى – پەتروپاۆل قالاسى اكىمىنىڭ الەۋمەتتىك سالا جونىندەگى ورىنباسارى.
2013-2017 جىلدارى – پەتروپاۆل قالاسى، سقو ءبىلىم باسقارماسى باسشىسىنىڭ م. ا.
2017-2018 جىلدارى – قر بعم مەكتەپكە دەيىنگى جانە ورتا ءبىلىم دەپارتامەنتىنىڭ ديرەكتورى.
2018-2019 جىلدارى – استانا قالاسىنداعى "نازارباەۆ زياتكەرلىك مەكتەبى" پەداگوگيكالىق شەبەرلىك ورتالىعى ديرەكتورىنىڭ ورىنباسارى.
2019-2022 جىلدارى – قر ءبىلىم جانە عىلىم ۆيتسە-ءمينيسترى.
2022 جىلدىڭ تامىزىنان باستاپ قازاقستان رەسپۋبليكاسىنىڭ وقۋ-اعارتۋ ءبىرىنشى ۆيتسە-ءمينيسترى بولىپ قىزمەت اتقاردى.
