پولشا سولتۇستىگىندەگى كوشالين قالاسىندا كاتوليك ءدىنباسىلارى كوپشىلىك الدىندا سيقىرشى بالا گارري پوتتەر تۋرالى جازعان جازۋشى دجوان روۋلينگتىڭ كىتاپتارىن "قۇدايدى قورلاۋ" دەپ كوپشىلىك الدىندا جاعىپ جىبەردى.
ورتەلگەن كىتاپتاردىڭ سۋرەتى "اسپاننان حات" قورىنىڭ Facebook پاراقشاسىندا جاريالاندى. ءدىنباسىنىڭ قاسىندا بالالار تۇر. جانعان كىتاپتار تۋرالى جازبادا قور "سيقىر بيبلياعا قايشى" دەپ، كيەلى كىتاپتاعى سيقىر تۋرالى سوزدەردى كەلتىرەدى.
بۇل اكتسيانى قولدانۋشىلاردىڭ ءبارى بىردەي قولداي قويعان جوق. كەيبىرى "گارري پوتتەردىڭ اتىن اتاپ، ەشكىمنىڭ ءالى قىلمىس جاساماعانىن" جازسا، باسقالارى مۇنى گەرمانيا ناتسيستەرىنىڭ 1930 جىلدارى كىتاپ ورتەۋىنە ۇقساتقان.
"اسپاننان حات" قورى بيبليانى جانە باسقا دا حريستيان كىتاپتاپتارىن تاراتىپ، ايگىلەندىرۋمەن اينالىسادى.
"ازاتتىق" راديوسى