بۇگىن - قازاقستان پوليتسياسى كۇنى، دەپ حابارلايدى “ادىرنا”.
قازاقستان پوليتسياسى – ەلىمىزدەگى قۇقىقتىق ءتارتىپتى، ازاماتتاردىڭ قاۋىپسىزدىگىن قامتاماسىز ەتەتىن ماڭىزدى قۇرىلىم.
ەلىمىز تاۋەلسىزدىگىن جاريالاعان سوڭ، 1992 جىلى 23 ماۋسىمدا قازاقستان رەسپۋبليكاسى جوعارعى كەڭەسى «قازاقستان رەسپۋبليكاسى ىشكى ىستەر ورگاندارى تۋرالى» زاڭدى قابىلدادى. زاڭ اياسىندا قازاقستان رەسپۋبليكاسى پوليتسياسىنىڭ قىزمەتى مەن اتقارار مىندەتى جازىلعان العاشقى قۇقىقتىق اكت بولدى.
ال كاسىبي مەرەكە 2007 جىلى 5 ماۋسىم كۇنى مەملەكەت باسشىسى نۇرسۇلتان نازارباەۆتىڭ جارلىعىمەن “23 ماۋسىم - پوليتسيا كۇنى” دەپ بەكىتىلدى. ەلىمىزدە 16 جىلدان بەرى ءتارتىپ ساقشىلارىنىڭ كاسىبي مەرەكەسى تويلانۋدا.
اتقارار قىزمەتى مەن ارتىلار جاۋاپكەرشىلىگى جوعارى بۇل سالا ماماندارى كۇنى-ءتۇنى حالىقتىڭ تىنىشتىعىن كۇزەتىپ، شەكارامىزدى قورعاپ كەلەدى. ابىرويلى مىندەتتەرىڭىزگە تابىس تىلەيمىز!
ۇقساس جاڭالىقتار
