رەسەي ساياساتىن اشىق قولدايتىن ءانشى يرينا دۋبتسوۆانىڭ قوناەۆ قالاسىندا كونتسەرت قويعالى جاتقانى حابارلاندى. ول ءوز ونەرىن پاش ەتۋدى 24 ماۋسىم كۇنى قوناەۆ قالاسى، Casino Bellagio-دا وتكىزۋدى جوسپارلاپ وتىر، دەپ حابارلايدى "ادىرنا" ۇلتتىق پورتالى.
رەسەيلىك ءانشى يرينا دۋبتسوۆا قوناەۆتا قونتسەرت قويماقشى. ءانشى ۋكرايناداعى سوعىستى قولداپ قانا قويمايدى، ءتىپتى رەسەي ساياساتىن ناسيحاتتاپ، "زا ناس" اتتى ءان ارناعان. بۇل جايلى جۋرناليست باعدات اسىلبەكۇلى جازدى:
- سوعىستى قولدايتىن تاعى ءبىر رەسەيلىك ءانشى يرينا دۋبتسوۆانىڭ كونتسەرتى قوناەۆتا جوسپارلانعان. 24 ماۋسىمدا Casino Bellagio - دا. قالىس قالۋىم مۇمكىن، بىراق ونىڭ كونتسەرتىنىڭ بولمايتىنى تۋرالى اقپاراتتى ەستىگەن جوقپىن. بۇل دەگەن سوعىستى قولداعانىنا قاراماستان ءالى دە ونەر كورسەتەدى دەگەندى بىلدىرەدى. يرينا دۋبتسوۆا ۋكرايناداعى سوعىستى قولداپ قانا قويعان جوق. اسكەري قىزمەتكە ىرىكتەۋ پۋنكتتەرىنە بارىپ، رەسەي ارمياسىنىڭ جاۋىنگەرلىك دايىندىعىنا باعا بەردى جانە رەسەي ساياساتىن ناسيحاتتاپ، "زا ناس" اتتى ءان شىعاردى، - دەدى اۆتور.
ەسكە سالا وتىرايىق، ءدال وسى قوناەۆ قالاسىندا سوعىستى جاقتاۋشى جانە ءبىر ءانشى گريگوري لەپستىڭ كونتسەرتى وتپەيتىن بولعانىن جازعان ەدىك.
"ادىرنا" ۇلتتىق پورتالى
ۇقساس جاڭالىقتار
