جۋرناليستەر ءتۇرلى دەرەكتەر مەن ماعۇلماتتارعا سۇيەنە وتىرىپ رەسەي-ۋكراينا سوعىسىندا قازا بولعان 25 528 رەسەيلىك اسكەري قىزمەتكەردىڭ اتى-ءجونىن انىقتادى. ولاردىڭ 2498-ءى موبيليزاتسيالانعاندار ەكەنى حابارلاندى. مۇنداي زەرتتەۋدى سوعىس باستالعالى بەرى "مەديازونا" توبى، BBC-ءدىڭ ورىس قىزمەتى مەن ەرىكتىلەر قاۋىمى جۇرگىزىپ كەلەدى، دەپ حابارلايدى "ادىرنا" ۇلتتىق پورتالى.
جۋرناليستەردىڭ ايتۋىنشا، قازا بولعانداردىڭ ەداۋىر بولىگى تۇتقىندار. كراسنودار ولكەسى، سۆەردلوۆ، چەليابينسك وبلىستارى، باشقۇرتستان، بۋرياتيا، ۆولگوگراد وبلىستارىنان سوعىسقا بارعاندار اراسىندا ولگەندەر كوپ.
سوعىستا ولگەنى راستالعاندار اراسىندا رەسەي ارمياسى مەن وزگە دە كۇشتىك قۇرىلىمداردىڭ 2150-دەن استام وفيتسەرى بار. 251-ءى پودپولكوۆنيك جانە ودان دا جوعارى شەنى بار. كەمىندە 161 ۇشقىش ولگەن.
زەرتتەۋشىلەردىڭ ەسەبىنشە، قىس كەزىندە رەسەي اسكەرى باحمۋتتى باسىپ الۋعا ۇمتىلىپ، شابۋىلداعان كەزدە كوپ ادامىنان ايىرىلعان. ونداعى ادام شىعىنى سوعىس باستالعان كەزەڭنەن دە كوپ.
"مەديازونا" مەن BBC-ءدىڭ ورىس قىزمەتىنىڭ زەرتتەۋىنە اشىق دەرەككوزدەر ارقىلى ولگەنى راستالعان رەسەيلىك سولداتتاردىڭ اتى-ءجونى عانا ەنگىزىلگەن. ال قازا بولعانداردىڭ سانى الدەقايدا كوپ بولۋى ىقتيمال.
"ازاتتىق" راديوسىنىڭ جازۋىنشا, رەسەي قورعانىس مينيسترلىگى سوعىستا قانشا ادامىنان ايىرىلعانىن جاريالاماي كەلەدى. اقش قاڭتاردا ۋكرايناداعى سوعىستا 270-300 مىڭ رەسەيلىك اسكەري قىزمەتكەر قازا بولعان جانە جارالانعان بولۋى مۇمكىن دەگەن بولجام ايتقان.
"ادىرنا" ۇلتتىق پورتالى
ۇقساس جاڭالىقتار
ساياسي قاقتىعىستار
كرەمل بيلىگى
پۋتلەر
رەسەيلىك سارباز
ۋكرايناداعى سوعىس
باسقىنشىلىق ارەكەتى
گەوساياسات
