پرەزيدەنت قاسىم-جومارت توقاەۆ قحر توراعاسى سي ءتسزينپيننىڭ 70 جاسقا تولعان مەرەيتويىنا وراي قۇتتىقتاۋ جەدەلحاتىن جولدادى، دەپ حابارلايدى “ادىرنا” ۇلتتىق پورتالى.
قاسىم-جومارت توقاەۆ قىتايدىڭ ساياسي، الەۋمەتتىك-ەكونوميكالىق، مادەني-گۋمانيتارلىق سالالارىن دامىتۋعا جانە حالىقارالىق ارەناداعى بەدەلىن ىلگەرىلەتۋگە سي ءتسزينپيننىڭ قوسقان جەكە ۇلەسىن جوعارى باعالادى.
سونداي-اق، ول قىتاي حالقىنىڭ يگىلىگىن قامتاماسىز ەتۋگە باعىتتالعان قحر توراعاسىنىڭ باستامالارى مەن اۋقىمدى رەفورمالارىنىڭ تابىستى جۇزەگە اسىرىلۋىنا تىلەكتەستىك ءبىلدىردى. پرەزيدەنت قازاقستاننىڭ ەكى ەل اراسىنداعى جان-جاقتى ستراتەگيالىق سەرىكتەستىك پەن ىنتىماقتاستىقتى نىعايتۋعا نيەتتى ەكەنىن تاعى دا راستادى.
ءبىزدىڭ بىرلەسكەن كۇش-جىگەرىمىز ەكى ەل اراسىنداعى ىنتىماقتاستىقتى ودان ءارى نىعايتۋعا جانە قازاقستان مەن قىتاي اراسىنداعى كوپجاقتى سەرىكتەستىكتى ساپالى جاڭا دەڭگەيگە شىعارۋعا تولىق ىقپال ەتەتىنىنە سەنىمدىمىن، – دەپ جازىلعان جەدەلحاتتا.
ۇقساس جاڭالىقتار
