قازاقستاننان بوسقىن مارتەبەسىن الا الماعان شىڭجاڭ قازاعى قايرات ەرلىبەك تۇركيا اۋماعىنا ءوتتى. بۇل تۋرالى قۇقىق قورعاۋشى، "حالىقارالىق قۇقىقتىق باستاما" ۇيىمىنىڭ جەتەكشىسى اينا شورمانباەۆا Facebook پاراقشاسىنا جازدى، دەپ حابارلايدى “ادىرنا” ۇلتتىق پورتالى.
بۇعان دەيىن قازاقستاننان تۇركياعا ۇشىپ بارعان قايرات ەرلىبەك ءوزىن اۋەجايدان ءارى قاراي وتكىزبەي تۇرعانىن حابارلاپ، كومەك سۇراعان ەدى.
كەشەدەن بەرى مەن شىڭجاڭداعى ەتنيكالىق قازاق قايرات ەرلىبەكتى تۇركيادان دەپورتاتسيالاۋعا جول بەرمەۋ ءۇشىن شۇعىل ىسپەن اينالىسىپ جاتىرمىن. ول كەشە ىستامبۇلعا ۇشىپ كەتكەن، بىراق ەلگە كىرگىزبەي، الماتىعا قايتارۋ تۋرالى حابارلاما بەرگەن.
قايراتتىڭ تولقۇجاتى جوق، جول ءجۇرۋ قۇجاتى عانا بار. شىڭجاڭداعى كوپ قازاقتار مەن ۇيعىرلار سياقتى ول دا حالىقارالىق قورعاۋعا يە بولادى دەپ ۇمىتتەنەمىز. ەندى جاقسى جاڭالىق الدىق – ول تۇركياعا جىبەرىلدى! بۇل بۇۇ-داعى ارىپتەستەر مەن ديپلوماتيالىق ميسسيالاردىڭ كومەگىمەن بولدى. قايراتتىڭ دەپورتاتسيالانباۋىنا كومەكتەسكەندەردىڭ بارلىعىنا مىڭ العىس. ءبىز ونىڭ ىسىمەن جۇمىستى جالعاستىرامىز، - دەپ جازدى اينا شورمانباەۆا.
