Qazaqstannan bosqyn mártebesin ala almaǵan Shyńjań qazaǵy Qaırat Erlibek Túrkııa aýmaǵyna ótti. Bul týraly quqyq qorǵaýshy, "Halyqaralyq quqyqtyq bastama" uıymynyń jetekshisi Aına Shormanbaeva Facebook paraqshasyna jazdy, dep habarlaıdy “Adyrna” ulttyq portaly.
Buǵan deıin Qazaqstannan Túrkııaǵa ushyp barǵan Qaırat Erlibek ózin áýejaıdan ári qaraı ótkizbeı turǵanyn habarlap, kómek suraǵan edi.
Kesheden beri men Shyńjańdaǵy etnıkalyq qazaq Qaırat Erlibekti Túrkııadan deportaııalaýǵa jol bermeý úshin shuǵyl ispen aınalysyp jatyrmyn. Ol keshe Ystambulǵa ushyp ketken, biraq elge kirgizbeı, Almatyǵa qaıtarý týraly habarlama bergen.
Qaırattyń tólqujaty joq, jol júrý qujaty ǵana bar. Shyńjańdaǵy kóp qazaqtar men uıǵyrlar sııaqty ol da halyqaralyq qorǵaýǵa ıe bolady dep úmittenemiz. Endi jaqsy jańalyq aldyq – ol Túrkııaǵa jiberildi! Bul BUU-daǵy áriptester men dıplomatııalyq mıssııalardyń kómegimen boldy. Qaırattyń deportaııalanbaýyna kómekteskenderdiń barlyǵyna myń alǵys. Biz onyń isimen jumysty jalǵastyramyz, - dep jazdy Aına Shormanbaeva.
