ۇلتتىق ۆولونتەرلەر جەلىسى اباي وبلىسىنداعى ءورت سالدارىنان ەۆاكۋاتسيالانعان تۇرعىندار مەن قىزىل جالىندى اۋىزدىقتاۋعا تارتىلعان ماماندارعا گۋمانيتارلىق كومەك كورسەتۋ ءۇشىن قاراجات جيناپ جاتىر، دەپ حابارلايدى "ادىرنا" ۇلتتىق پورتالى قازاقپاراتقا سىلتەمە كورسەتە وتىرىپ.
«بارلىق جاناشىر ادامداردان وسى اكتسيانى قولداۋدى سۇرايمىز. جينالعان قاراجات volontery_semey_lider.kz اۋدارىلادى، ۆولونتەرلەر قاجەتتى تاۋارلاردى ساتىپ الىپ، توتەنشە جاعداي ورنىنا جەتكىزەدى. تۇسكەن قاراجاتتىڭ ەسەبى ءبىزدىڭ پاراقشالارىمىزدا جاريالانادى»، - دەلىنگەن ۇلتتىق ۆولونتەرلەر جەلىسىنىڭ Instagram-پاراقسىندا جاريالانعان حابارلامادا.
كومەك كورسەتۋگە نيەتتى ازاماتتار اقشانى ەكىنشى دەڭگەيلى ەكى بانكتەر ارقىلى اۋدارا الادى. اتاپ ايتقاندا، «Kaspi» جانە «Halyk Homebank» قوسىمشاسىنداعى «قايىرىمدىلىق» بولىمىنە ءوتىپ، «ناتسيونالنايا ۆولونتەرسكايا سەت» قىزمەتىن تاڭداپ، اقشا جىبەرۋگە بولادى.
«ال زاڭدى تۇلعالار ءۇشىن - ويۋل «ناتسيونالنايا ۆولونتەرسكايا سەت». بين: 120 940 015 916 «قازاقستان حالىق بانكى» اق كبە 18. بيك HSBKKZKX, P/S KZ23601A871001005521»، - دەپ رەكۆيزيتتەر كورسەتىلگەن ۆولونتەرلەر ۇيىمىنىڭ الەۋمەتتىك جەلىدەگى پاراقشاسىندا.
ەسكە سالا كەتەيىك، قازىرگى تاڭدا ەرىكتىلەر اباي وبلىسىنداعى ورمان ورتىمەن كۇرەسىپ جاتقان ماماندارعا كومەك كورسەتىپ جاتىر.
كەشە پرەزيدەنت قاسىم-جومارت توقاەۆ توتەنشە جاعدايلار جونىندەگى جەدەل شتابتىڭ وتىرىسىنان كەيىن ءورت سوندىرۋگە جۇمىلدىرىلعان قۇتقارۋشىلار جانە ەرىكتىلەرمەن كەزدەسىپ، ولارعا العىس ايتتى.
سونىمەن قاتار، الماتىلىق ەرىكتىلەر دە ورتتەن زارداپ شەككەندەرگە گۋمانيتارلىق كومەك جيناپ جاتىر.
"ادىرنا" ۇلتتىق پورتالى
