جەتىسۋ وبلىسىندا 2022 جىلى جەرگىلىكتى بيۋدجەت ەسەبىنەن 12 بلوكتى-مودۋلدىك مەديتسينالىق پۋنكت ورناتىلدى، بيىل 27-ءسى، ال 2025 جىلعا دەيىن تاعى 34-ءى تۇرعىزىلادى. بۇل تۋرالى بۇگىن جۋرناليستەرگە ارنالعان بريفينگ كەزىندە جەتىسۋ وبلىسىنىڭ اكىمى بەيبىت يساباەۆ ايتتى، - دەپ حابارلايدى جەتىسۋ وبلىسى اكىمىنىڭ ءباسپاسوز قىزمەتى.
سپيكەردىڭ ايتۋىنشا، وتكەن جىلى سارىوزەك اۋىلىندا 250 ادامعا ەمحانا، تالدىقورعان قالاسىنداعى مودۋلدىك ينفەكتسيوندىق اۋرۋحانا سياقتى جالپى سانى 7 نىساننىڭ قۇرىلىسى باستالىپ، 2 نىسان پايدالانۋعا بەرىلگەن، قالعان 5-ەۋى بيىل سالىنىپ بىتەدى.
سونىمەن قاتار رەسپۋبليكالىق بيۋدجەتتەن «اۋىلدىق دەنساۋلىق ساقتاۋدى جاڭعىرتۋ» ۇلتتىق جوباسى شەڭبەرىندە 2025 جىلعا دەيىن
11 ملرد. تەڭگەگە 59 وبەكت سالۋ جوسپارلانۋدا.
- بيىل رەسپۋبليكالىق جانە جەرگىلىكتى بيۋدجەتتەن مادەنيەت سالاسىنا 14 وبەكتىنىڭ قۇرىلىسى مەن كۇردەلى جوندەۋگە 4,5 ملرد. تەڭگە ءبولىندى. جىلدىڭ سوڭىندا 3 نىسان پايدالانۋعا بەرىلسە، 5-ۋىندە كۇردەلى جوندەۋ جۇمىستارى اياقتالادى، - دەدى وبلىس اكىمى.
جەتىسۋ وبلىسى اكىمىنىڭ ءباسپاسوز قىزمەتى.
