Jetisý oblysynda 2022 jyly jergilikti bıýdjet esebinen 12 blokty-modýldik medıınalyq pýnkt ornatyldy, bıyl 27-si, al 2025 jylǵa deıin taǵy 34-i turǵyzylady. Bul týraly búgin jýrnalısterge arnalǵan brıfıng kezinde Jetisý oblysynyń ákimi Beıbit Isabaev aıtty, - dep habarlaıdy Jetisý oblysy ákiminiń baspasóz qyzmeti.
Spıkerdiń aıtýynsha, ótken jyly Saryózek aýylynda 250 adamǵa emhana, Taldyqorǵan qalasyndaǵy modýldik ınfekıondyq aýrýhana sııaqty jalpy sany 7 nysannyń qurylysy bastalyp, 2 nysan paıdalanýǵa berilgen, qalǵan 5-eýi bıyl salynyp bitedi.
Sonymen qatar respýblıkalyq bıýdjetten «Aýyldyq densaýlyq saqtaýdy jańǵyrtý» ulttyq jobasy sheńberinde 2025 jylǵa deıin
11 mlrd. teńgege 59 obekt salý josparlanýda.
- Bıyl respýblıkalyq jáne jergilikti bıýdjetten mádenıet salasyna 14 obektiniń qurylysy men kúrdeli jóndeýge 4,5 mlrd. teńge bólindi. Jyldyń sońynda 3 nysan paıdalanýǵa berilse, 5-ýinde kúrdeli jóndeý jumystary aıaqtalady, - dedi oblys ákimi.
Jetisý oblysy ákiminiń baspasóz qyzmeti.
