سىر وڭىرىندەگى جۇمىسسىزدىق دەڭگەيى 4,9 پايىز بولدى. بۇل تۋرالى وبلىس اكىمى نۇرلىبەك نالىباەۆ استانا قالاسىنداعى ورتالىق كوممۋنيكاتسيالار قىزمەتىندە وتكەن بريفينگتە ايتتى.
«حالىقتى جۇمىسپەن قامتۋ، جاڭا جۇمىس ورىندارىن اشۋ – باستى مىندەتتەرىمىزدىڭ ءبىرى. پرەزيدەنتتىڭ 10 مىڭ ادامعا 100 جاڭا جۇمىس ورنىن قۇرۋ تاپسىرماسىنا سايكەس بىلتىر وڭىردە 12 مىڭنان استام جۇمىس ورنى قۇرىلىپ، جىلدىق جوسپار 263 پايىزعا ورىندالدى. وسىنىڭ ناتيجەسىندە، جالپى جۇمىسسىزدىق دەڭگەيى 4,9 پايىز، جاستار اراسىنداعى جۇمىسسىزدىق 4 پايىزعا تومەندەدى»، – دەدى ايماق باسشىسى.
ايتا كەتەيىك، بيىل قىزىلوردا وبلىسىندا «وڭىرلىك جۇمىسپەن قامتۋ جول كارتاسى» بەكىتىلىپ، كورسەتكىشتى 4,8 پايىزعا دەيىن تومەندەتۋ كوزدەلگەن.
«بۇگىنگى كۇنگە وڭىرلىك كارتاداعى جوسپاردىڭ 43,3 پايىزعا ورىندالۋىنا قول جەتكىزدىك، ياعني 19 مىڭ جۇمىس ورنى قۇرىلدى. ونىڭ ىشىندە تۇراقتىسى – 6952 نەمەسە 36,6%، ۋاقىتشاسى – 12055 نەمەسە 63,4%، 16 مىڭعا جۋىعى – جاڭا جۇمىس ورىندارى»، – دەدى نۇرلىبەك ماشبەكۇلى.
