شۋ قالاسىنىڭ (جامبىل وبلىسى) تۇرعىنى پوليتسەيلەر "پىشاقتادى" دەپ شاعىم ءتۇسىردى. ەمحانا قابىرعاسىنان ەر ادام باس پروكۋرور مەن ىشكى ىستەر مينيسترىنە ۆيدەوۇندەۋ جولداعان، - دەپ حابارلايدى "ادىرنا" ءتىلشىسى Almaty.tv-گە سىلتەمە جاساپ.
ۆيدەو اۆتورىنىڭ ايتۋىنشا، ول دوسى ەكەۋىن ءتارتىپ ساقشىلارى سوققىعا جىعىپ، بىرنەشە رەت پىشاق جاراقاتىن سالعان. ەندى ەر ادام ءىس جابىلىپ، كىنالىلەر ءتيىستى جازاسىن الماي ما دەپ قورقادى.
"ۇيگە قايتىپ كەلە جاتقان ەدىك، پوليتسيا قىزمەتكەرلەرى ءبىزدى توقتاتتى. ءبىزدى شايمەردەن جانارماي قۇيۋ بەكەتىنىڭ جانىنان كولىكتەن شىعاردى. مەن ءتورت پىشاق جاراقاتىن الدىم", - دەيدى جابىرلەنۋشى.
ول ءوزىنىڭ بەينەجولداۋىندا شابۋىل جاساعانداردىڭ ەسىمدەرىن اتايدى. ەر ادامنىڭ ايتۋىنشا، بۇلار دەتەكتيۆتەر. پوليتسيا دەپارتامەنتى وقيعانىڭ بارلىق سەبەپتەرىن انىقتاۋ ءۇشىن تەرگەۋ ءجۇرىپ جاتقانىن حابارلادى.
"اتالعان فاكتى بويىنشا قر قىلمىستىق كودەكسىنىڭ 293-بابىنىڭ 3-بولىگى ("بۇزاقىلىق") بويىنشا سوتقا دەيىنگى تەرگەۋ باستالدى. قازىرگى ۋاقىتتا جامبىل وبلىسى ءىىد ىشكى قاۋىپسىزدىك باسقارماسىنىڭ قىزمەتكەرلەرى ءىستىڭ ەگجەي-تەگجەيلى ءمان-جايىن انىقتاۋ ءۇشىن بارلىق قاجەتتى جەدەل-ىزدەستىرۋ شارالارىن قولدانۋدا. تەرگەۋ بارىسى قازاقستان رەسپۋبليكاسى ىشكى ىستەر مينيسترلىگى باسشىلىعىنىڭ باقىلاۋىنا الىندى»، - دەدى وبلىستىق پوليتسيا دەپارتامەنتىنىڭ ءباسپاسوز قىزمەتىنىڭ جەتەكشىسى گۇلسارا مۇحتارقۇلوۆا.
"ادىرنا" ۇلتتىق پورتالى
