شىعىس قازاقستان وبلىسىنىڭ اكىمى دانيال احمەتوۆتىڭ وكىلەتى اياقتالۋعا جاقىن. ول بۇل قىزمەتتى 2014 جىلدان بەرى اتقارىپ كەلەدى، دەپ حابارلايدى «ادىرنا» ءتىلشىسى.
2017 جىلى 15 ماۋسىمدا احمەتوۆ 63 جاسقا تولعان بولاتىن. سول كەزدە وبلىس باسشىسىنىڭ رەسمي تۇردە زەينەتكە كەتۋى مۇمكىن ەكەنى ايتىلدى. الايدا ونىڭ وكىلەتتىگى 2022 جىلعا دەيىن سوزىلعان ەدى. وتكەن جىلدىڭ 11 ماۋسىمىندا مەملەكەت باسشىسى احمەتوۆتىڭ وكىلەتتىگىن تاعى ءبىر جىلعا ۇزارتتى. شەشىم اكىمنىڭ «كوپ جىلدىق جۇمىس تاجىريبەسىمەن»تۇسىندىرىلدى.
ايتا كەتەيىك، دانيال احمەتوۆ 15 ماۋسىمدا 69 جاسقا تولادى. ول — ەكونوميكا عىلىمدارىنىڭ دوكتورى، اكادەميك. بۇعان دەيىن پاۆلودار وبلىسىنىڭ اكىمى، قر پرەمەر-ءمينيسترى، قر قورعانىس ءمينيسترى قىزمەتتەرىن اتقاردى. ەۋرازيالىق ەكونوميكالىق كوميسسيانىڭ ەنەرگەتيكا جانە ينفراقۇرىلىم جونىندەگى القا مۇشەسى بولدى.
