فلوريدا شتاتىنىڭ گۋبەرناتورى رون دەسانتيس ءوزى باسقاراتىن اۋماقتا كامەلەتكە تولماعانداردى زورلاعانى ءۇشىن سوتتالعاندارعا ءولىم جازاسىن ەنگىزۋ تۋرالى زاڭعا قول قويدى، دەپ حابارلايدى "ادىرنا". بۇل تۋرالى Azattyq Ruhy جازدى.
«ءبىز فلوريدادا بالالاردى قورعاۋ ءۇشىن بارىمىزدى سالامىز. ەڭ اۋىر قىلمىس سانالاتىن بالا زورلىعى ءۇشىن ءولىم جازاسى جالعىز ورىندى شارا دەپ سانايمىز»، – دەدى گۋبەرناتور.
جاڭا زاڭ اقش جوعارعى سوتىنىڭ 2008 جىلى قابىلداعان شەشىمىنە قايشى كەلەدى. سوندىقتان ول كامەلەتكە تولماعانداردى زورلاعانى ءۇشىن كىنالىلەرگە، ەگەر قىلمىس بالانىڭ ولىمىنە اكەپ سوققان جاعدايدا ءولىم جازاسىن قولدانۋعا رۇقسات بەردى.
شەشىم جوعارعى سوتتىڭ تولىق قۇرامىنىڭ كوپشىلىك داۋىسىمەن قابىلداندى.
"ادىرنا" ۇلتتىق پورتالى
