استانادا 20 ناۋرىزدا پارلامەنتتىڭ بىرلەسكەن وتىرىسىندا انت بەرىپ، قازاقستان پرەزيدەنتى قىزمەتىن اتقارۋعا كىرىسكەن قاسىم-جومارت توقاەۆ ەلدىڭ تۇڭعىش پرەزيدەنتى نۇرسۇلتان نازارباەۆقا "قۇرمەتتى سەناتور" مارتەبەسىن بەرۋدى ۇسىندى.
"تۇڭعىش پرەزيدەنتتىڭ سۋرەتتەرى قوعامدىق مەكەمەلەردە، مەملەكەتتىك قىزمەتكەرلەردىڭ كابينەتى مەن ءبىلىم بەرۋ مەكەمەلەرىندە مىندەتتى اتريبۋت رەتىندە قالا بەرەدى. ەلباسىنىڭ ومىرلىك قاجەتتىلىگى "تۇڭعىش پەرزيدەنت تۋرالى" زاڭعا سايكەس قامتاماسىز ەتىلەدى، ونىڭ قىزمەتتىك قۇرىلىمدارىنىڭ بارلىعى ساقتالادى" دەدى توقاەۆ.
بۇعان قوسا توقاەۆ "ستراتەگيالىق شەشىمدەردى قابىلداۋ كەزىندە ەلباسىنىڭ پىكىرىنە باسىمدىق بەرىلەتىنىن" مالىمدەدى.
ول بۇعان دەيىن مەملەكەت استاناسىنىڭ اتاۋىن "نۇرسۇلتان" دەپ وزگەرتۋدى ۇسىنعان.
19 ناۋرىزدا نۇرسۇلتان نازارباەۆ رەسپۋبليكالىق تەلەارنالاردان حالىققا ۇندەۋ جاساپ، پرەزيدەنتتىك وكىلەتىن توقتاتاتىنىن مالىمدەگەن ەدى. ول پرەزيدەنت رەتىندە قول قويعان سوڭعى جارلىققا سايكەس، نازارباەۆتىڭ پرەزيدەنتتىك وكىلەتى 20 ناۋرىزدا توقتاتىلدى.
"ازاتتىق" راديوسى
