سىبايلاس جەمقورلىققا قارسى قىزمەت پوليتسيا گەنەرال-مايورى بەرىك بىلالوۆكە قاتىستى تەرگەۋدى اياقتادى، - دەپ حابارلايدى "ادىرنا" پورتالى.
اعىمداعى جىلدىڭ اقپان ايىندا سولتۇستىك قازاقستان وبلىسى بويىنشا ءىىد باسشىسىنىڭ مىندەتىن اتقارۋشى بەرىك بىلالوۆكە قاتىستى سوتقا دەيىنگى تەرگەۋ باستالعانى بەلگىلى بولدى.
سىبايلاس جەمقورلىققا قارسى قىزمەتتىڭ ءباسپاسوز قىزمەتىنىڭ مالىمەتىنشە، كۇدىكتى 2021 جىلى الاياقتىق جولمەن قىلمىستىق ءىستى توقتاتۋ ماسەلەسىن شەشەمىز دەگەن جەلەۋمەن 40 ميلليون تەڭگەنى العان.
"قازىرگى ۋاقىتتا ءىس ايىپتاۋ قورىتىندىسىن بەكىتۋ ءۇشىن پروكۋراتۋراعا جولداندى. قر قىلمىستىق-پروتسەستىك كودەكسىنىڭ 201-بابىنا سايكەس، تەرگەۋ مۇددەسى ءۇشىن وزگە دە مالىمەتتەر جاريا ەتىلمەيدى", - دەلىنگەن حابارلامادا. بۇل تۋرالى «انتيكوردىڭ» ءباسپاسوز قىزمەتى حابارلادى.
كونستيتۋتسيانىڭ 77-بابىنىڭ 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكستىڭ 19-بابىنىڭ 1-بولىگىنە سايكەس، سوتتىڭ زاڭدى كۇشىنە ەنگەن ۇكىمىمەن ونىڭ قىلمىستىق قۇقىق بۇزۋشىلىق جاساۋعا كىناسى انىقتالعانعا دەيىن كىناسىز دەپ تانىلادى.
"ادىرنا" ۇلتتىق پورتالى
