زەينەتكەرلەر ەمدەلۋ جانە باسپانا ساتىپ الۋ ءۇشىن بارلىق جيناق اقشاسىن الا الادى، - دەپ حابارلايدى "ادىرنا" ءتىلشىسى ەڭبەك جانە حالىقتى الەۋمەتتىك قورعاۋ مينيسترلىگىنە سىلتەمە جاساپ.
الەۋمەتتىك كودەكس اياسىندا 1 شىلدەدەن باستاپ بىرىڭعاي جيناقتاۋشى زەينەتاقى قورىندا زەينەتاقى جيناقتارى بار ەڭبەك ءوتىلى بار زەينەتكەرلەرگە جيناقتالعان زەينەتاقى قاراجاتىنىڭ بارلىق سوماسىن تۇرعىن ءۇي جاعدايىن جاقسارتۋعا نەمەسە ەمدەلۋگە جۇمساۋ قۇقىعى بەرىلگەنى حابارلاندى.
«ياعني، اعىمداعى جىلدىڭ 1 شىلدەسىنەن باستاپ ەڭبەك ءوتىلى بويىنشا زەينەتكەرلەر www.enpf-otbasy.kz ينتەرنەت-پلاتفورماسى ارقىلى بىرجولعى زەينەتاقى تولەمدەرىن الۋ ءۇشىن «وتباسى بانكى» تۇرعىن ءۇي قۇرىلىس جيناق بانكى» اق نەمەسە ەكىنشى دەڭگەيلى بانكتەرگە جۇگىنە الادى.
بىرجولعى زەينەتاقى تولەمدەرىن ەمدەۋگە پايدالانۋ ءۇشىن جوعارىدا اتالعان ينتەرنەت-پلاتفورما ارقىلى «وتباسى بانكى» اق «تۇرعىن ءۇي قۇرىلىس جيناق بانكىنە» عانا جۇگىنۋ قاجەت»، - دەلىنگەن حابارلامادا.
ەسكە سالايىق، 2021 جىلدىڭ 1 قاڭتارىنان باستاپ بجزق ازاماتتارعا جيناقتالعان زەينەتاقى قاراجاتىنىڭ ءبىر بولىگىن تۇرعىن ءۇي جاعدايىن جاقسارتۋ نەمەسە ەمدەلۋگە اقى تولەۋ سياقتى الەۋمەتتىك ماقساتتارعا پايدالانۋ قۇقىعىن بەردى.
بۇل قۇقىقتى كەلەسى ساناتتار پايدالانا الادى:
- بجزق-دا زەينەتاقى جيناقتارى بار جۇمىس ىستەيتىن ازاماتتار. ولار ەڭ تومەنگى جەتكىلىكتىلىك شەگىنەن اساتىن سومانىڭ ءبىر بولىگىن پايدالانا الادى;
- زەينەتاقىسى جوعالعان تابىس سوماسىنىڭ (بۇرىن العان جالاقىسىنىڭ) كەمىندە 40%-ىن قۇرايتىن بەلگىلەنگەن زەينەتكەرلەر. ولار بجزق-دا قالعان زەينەتاقى جيناقتارى سوماسىنىڭ 50% دەيىن پايدالانا الادى;
- زەينەتاقى اننۋيتەتىن بەرگەن جانە ءالى دە جيناقتارى بار ازاماتتار – بجزق-داعى زەينەتاقى جيناقتارىنىڭ قالعان سوماسى شەگىن پايدالانا الادى.
بۇل ەرەجە جۇمىس ىستەيتىن ازاماتتاردى دا، زەينەتكەرلەردى دە قامتيدى.
