Zeınetkerler emdelý jáne baspana satyp alý úshin barlyq jınaq aqshasyn ala alady, - dep habarlaıdy "Adyrna" tilshisi Eńbek jáne halyqty áleýmettik qorǵaý mınıstrligine silteme jasap.
Áleýmettik kodeks aıasynda 1 shildeden bastap Biryńǵaı jınaqtaýshy zeınetaqy qorynda zeınetaqy jınaqtary bar eńbek ótili bar zeınetkerlerge jınaqtalǵan zeınetaqy qarajatynyń barlyq somasyn turǵyn úı jaǵdaıyn jaqsartýǵa nemese emdelýge jumsaý quqyǵy berilgeni habarlandy.
«Iaǵnı, aǵymdaǵy jyldyń 1 shildesinen bastap eńbek ótili boıynsha zeınetkerler www.enpf-otbasy.kz ınternet-platformasy arqyly birjolǵy zeınetaqy tólemderin alý úshin «Otbasy banki» Turǵyn úı qurylys jınaq banki» AQ nemese ekinshi deńgeıli bankterge júgine alady.
Birjolǵy zeınetaqy tólemderin emdeýge paıdalaný úshin joǵaryda atalǵan ınternet-platforma arqyly «Otbasy banki» AQ «Turǵyn úı qurylys jınaq bankine» ǵana júginý qajet», - delingen habarlamada.
Eske salaıyq, 2021 jyldyń 1 qańtarynan bastap BJZQ azamattarǵa jınaqtalǵan zeınetaqy qarajatynyń bir bóligin turǵyn úı jaǵdaıyn jaqsartý nemese emdelýge aqy tóleý sııaqty áleýmettik maqsattarǵa paıdalaný quqyǵyn berdi.
Bul quqyqty kelesi sanattar paıdalana alady:
- BJZQ-da zeınetaqy jınaqtary bar jumys isteıtin azamattar. Olar eń tómengi jetkiliktilik sheginen asatyn somanyń bir bóligin paıdalana alady;
- zeınetaqysy joǵalǵan tabys somasynyń (buryn alǵan jalaqysynyń) keminde 40%-yn quraıtyn belgilengen zeınetkerler. Olar BJZQ-da qalǵan zeınetaqy jınaqtary somasynyń 50% deıin paıdalana alady;
- zeınetaqy annýıtetin bergen jáne áli de jınaqtary bar azamattar – BJZQ-daǵy zeınetaqy jınaqtarynyń qalǵan somasy shegin paıdalana alady.
Bul ereje jumys isteıtin azamattardy da, zeınetkerlerdi de qamtıdy.
