مەملەكەت باسشىسى قاسىم-جومارت توقاەۆ يتاليانىڭ پرەمەر-ءمينيسترى دجوردجا مەلونيمەن تەلەفون ارقىلى سويلەستى، دەپ جازادى "ادىرنا". بۇل تۋرالى دجوردجا مەلوني ءوزىنىڭ تۆيتتەرىندە جازدى.
اڭگىمە باسىندا مەملەكەت باسشىسى قاسىم-جومارت توقاەۆ ەميليا-رومانيا ايماعىنداعى جويقىن سۋ تاسقىنى سالدارىنان قازا تاپقان ادامدارعا كوڭىل ايتتى.
اڭگىمەلەسۋشىلەر ساياسي، ساۋدا-ەكونوميكالىق، ينۆەستيتسيالىق جانە گۋمانيتارلىق ىنتىماقتاستىقتى دامىتۋ پەرسپەكتيۆالارىن تالقىلادى. وتكەن جىلى ەكى ەل اراسىنداعى تاۋار اينالىمى شامامەن 15 ميلليارد دوللاردى قۇرادى. قازاقستان مەن يتاليا ەكونوميكانىڭ ءارتۇرلى سالالارىندا تىعىز ىنتىماقتاستىقتا جۇمىس ىستەيدى. ءبىزدىڭ ەلىمىزدە 270-تەن استام يتالياندىق كومپانيا تابىستى جۇمىس ىستەۋدە. سونىمەن قاتار، ەنەرگەتيكا، كولىك، ونەركاسىپتىك كووپەراتسيا جانە اۋىل شارۋاشىلىعى سالالارىنداعى بىرلەسكەن جوبالاردى جۇزەگە اسىرۋ اياسىنداعى ىنتىماقتاستىق پەرسپەكتيۆالارى قاراستىرىلدى.
دجوردجا مەلوني تۆيتتەر پاراقشاسىندا توقاەۆقا كوڭىل ايتىپ قولداۋ بىلدىرگەنى ءۇشىن جانە ىنتىماقتاستىقتى قولدايتىنى ءۇشىن العىسىن جازدى.
