قۇتقارۋشىلار الماتى تاۋلارىندا جوعالىپ كەتكەن اۋستراليالىق ءتۋريستتىڭ ءولى دەنەسىن تاپتى، دەپ حابارلايدى "ادىرنا" پورتالى.
ءمايىت ايۋساي شاتقالىنداعى ءبىرىنشى سارقىرامانىڭ جانىنان تابىلدى.
الدىن الا مالىمەت بويىنشا، 21 مامىردا 1995 جىلى تۋعان اۋستراليا ازاماتى ۇلكەن الماتى شاتقالىنا قاراي تاۋعا شىققان.
جوعالعان ازاماتتىڭ ارىپتەسى ولاردىڭ الماتىعا 20 مامىر كۇنى تاڭەرتەڭ تۋريزم ماقساتىندا كەلگەنىن ايتتى. 22 مامىردا ساعات 7:00-دە تۋريستەر قايتىپ ۇشىپ كەتۋى كەرەك ەدى.
پوليتسياعا اۋستراليا ازاماتىمەن ءبىر جاتاقحانادا تۇراتىن رەسەي ازاماتى حابارلاسقان.
ءتۋريستى ىزدەۋگە رەسپۋبليكالىق جەدەل-قۇتقارۋ جاساعىنىڭ قۇتقارۋشىلارىنىڭ (رجقج) جەدەل توبى 6 ادام جانە 1 كينولوگيالىق بريگادا جىبەرىلدى.
"ساعات 23:40-تا ولار ىزدەۋگە كىرىستى. 2:40-تا رجقج قىزمەتكەرلەرى مەن پوليتسەيلەر كوسموستانتسياسىنا كوتەرىلىپ، بەتكەيلەردى تەكسەردى. ولار تومەن ءتۇسىپ، قۇبىردىڭ وڭ جانە سول جاعىن تەكسەردى. ۇلكەن الماتى كولىندە تۇندە اۋا رايى قولايسىز بولدى، جاڭبىر جاۋىپ، قار جاۋىپ، قاتتى جەل سوقتى»، - دەپ حابارلادى ءباسپاسوز قىزمەتى.
قۇتقارۋشىلار ەكى توپقا ءبولىندى: ءبىرى ايۋساي شاتقالى باعىتىندا، ەكىنشىسى پروحودنوە شاتقالى باعىتىندا ىزدەۋگە شىقتى. ىزدەۋ جۇمىستارى كۇندىز اۋا رايىنىڭ قولايسىز جاعدايىندا جۇرگىزىلدى.
ساعات 15:48-دە توتەنشە جاعدايلار مينيسترلىگى تجد جەدەل-قۇتقارۋ جاساعىنىڭ باستىعى ارىستانباەۆ باۋىرجان سپۋتنيك ارقىلى رجقج قۇتقارۋشىلارى الماتى قالاسى اكىمدىگىنىڭ اۆاريالىق-قۇتقارۋ جۇمىستارى قىزمەتىنىڭ قۇتقارۋشىلارىمەن بىرلەسە وتىرىپ، دەنەنىڭ تابىلعانى تۋرالى اقپاراتتى جەتكىزدى. ايۋساي شاتقالىنداعى ءبىرىنشى سارقىرامانىڭ جانىنان ءمايىتتى تاپتى.
"ادىرنا" ۇلتتىق پورتالى
